Chandrapur Marathi News | चंद्रपूर मराठी बातम्या | Latest Chandrapur News in Marathi | चंद्रपूर ताज्या बातम्या | Chandrapur Crime Marathi News | चंद्रपूर ब्रेकिंग न्यूज़| Breaking & Live Chandrapur News | Chandrapur Local News Update| Today's Chandrapur News paper

घनश्याम नवघडे नागभीडयेथील महाशिवरात्रीची यात्रा आणि नागभीड येथील कामुनवार परिवार, असे आता एक समिकरणच तयार झाले आहे. कामुनवार परिवाराने काढलेल्या रथयात्रेशिवाय नागभीड येथे महाशिवरात्रीनिमित्त भरणारी यात्रा पुर्णच होऊ शकत नाही.नागभीडच्या पश्चिमेला एक टेकडी असून या टेकडीवर शिवमंदीर आहे. या मंदिरात असलेले शिवलिंग स्वयंभू असून या शिवलींगाच्या दर्शनासाठी भाविक वर्षभर गर्दी करीत असतात. असे असले तरी महाशिवरात्री पर्वावर शिवटेकडीच्या पायथ्याशी यात्रेचे आयोजन परंपरेने होत आले आहे. शिवटेकडीच्या पायथ्याशी यात्रेचे आयोजन जसे परंपरेने होत आले आहे, तसेच कामुनवार परिवाराकडून शिवरथ मिरवणुकीचेही आयोजन गेल्या १५० वर्षापासून अविरत सुरू आहे.शिवरात्रीच्या दिवशी रथावर विराजमान असलेले शिवजींची विधीवत पुजा अर्चा झाल्यानंतर कामुनवार यांच्या घरून या मिरवणुकीला सुरूवात होते. ढोल, ताशे आणि विविध वाद्यांच्या निनादात ही मिरवणूक निघते. नंदीवर बसलेले शिवजी, बाजुला दोन पहारेकरी, एका रथावर विराजमान असतात. गावातील प्रमुख मार्गाने ही मिरवणूक फिरविण्यात येते. या मिरवणुकीत शहरातील सर्वच स्तरातील लोक सहभागी होत असतात.गावातील प्रमुख मार्गाने ही शिवरथ यात्रा फिरविण्यात आल्यानंतर शिवजींचा हा रथ शिवटेकडीच्या पायथ्याशी ठेवण्यात येतो. नंतर दोन गुरुवारी भरणाऱ्या यात्रेत भाविकांकडून शिवलींगासोबतच या शिवरथाचीही पुजा होत असते. दुसऱ्या गुरूवारची यात्रा झाल्यानंतर कामुनवार कुटुंब महाप्रसादाचे वितरण करून व पुजा अर्चा करून परत हा रथ घरी आणत असतात. पुर्वी हा रथ लाकडी होता. आता तो लोखंडी करण्यात तर आलाच पण त्यात बरीच सुधारणाही करण्यात आली आहे. १५० वर्षाची परंपरा असलेला महाशिवरात्रीचा हा उपक्रम आता कामूनवार परिवारातील राहूल आणि रंजन हे दोघे भाऊ चालवित आहेत.

Chandrapur (Marathi News)

गडचांदूर रुग्णालय रामभरोसे असून पिण्याच्या पाण्याचीसुद्धा येथे कमतरता आहे. ...

गावात सगळेच शेतकरी, मजूर. यातही एकमेकांच्या कामाला धावून जाण्याची त्यांची नेहमीचीच सहकार्याची भावना. ...

चंद्रपूर महानगरपालिकेने मालमत्ता करात चार ते पाच पट वाढ केली आहे. ...

महाराष्ट्र शासनाची वैयक्तिक अपघात विमा योजना शेतकऱ्यांसाठी १ नोव्हेंबर २०११ पासून सुरु झाली आहे. ...

येथील महाशिवरात्रीची यात्रा आणि नागभीड येथील कामुनवार परिवार, असे आता एक समिकरणच तयार झाले आहे. ...