Parabhani News | Latest Parabhani News in Marathi | Parabhani Local News Updates | ताज्या बातम्या परभणी | परभणी समाचार | Parabhani Newspaper

सेलू : वीज वितरण कंपनीकडून चुकीची देयके दिल्याने संतप्त झालेले ग्राहक आणि युवक काँग्रेसच्या कार्यकर्त्यांनी २१ जुलै रोजी कंपनीच्या सहाय्यक अभियंता कार्यालयास रोजी टाळे ठोकले.वीज वितरण कंपनीकडून शहरातील शेकडो ग्राहकांना चुकीच्या रिंडींगनुसार विद्युत देयके देण्यात आली. त्यामुळे ग्राहकांनी वीज वितरण कंपनीतील कर्मचाऱ्यांना ही बाब लक्षात आणून दिली. परंतू कंपनीकडून दुरूस्त करून देण्यास बिल होत असल्यामुळे ग्राहक वैतागले होते़ त्यामुळे ग्राहक व युवक काँग्रेसच्या कार्यकर्त्यांनी शनिवारी वीज वितरण कंपनीचे सहाय्यक अभियंता राऊत यांना भेटून देयके दुरूस्त करून देण्याची मागणी केली होती़दोन दिवसांत देयके दुरूस्त करून दिल्या जातील, असे आश्वासन देवूनही वीज कंपनीकडून ग्राहकांना कुठलाही प्रतिसाद मिळाला नसल्याने संतप्त झालेल्या काँग्रेस व ग्राहकांनी सोमवारी कंपनीच्या कार्यालयाला कुलूप ठोकले. काही महिन्यापूर्वी वीज वितरण कंपनीने वीज मीटर बदलले आहे़ ग्राहकांच्या घराबाहेर मीटर बसविण्यात आले आहे़ मीटरची रिडींग घेताना गांभीर्य ठेवले नसल्याने चुकीच्या रिडींग वीज बिलावर देवून दहा पटीने वीज बिले जादा देण्यात आली आहे़ त्यामुळे अनेक ग्राहक वीज पाहून चक्रावले आहे़वीज बिले वाटप करताना विलंब होत आहे़ चुकीचे देयके त्यातच विलंबनाने आलेली वीज बिले यामुळे ग्राहकांना कायालयात खेटे मारावे लागत आहे़युवक काँग्रेसचे विधानसभा अध्यक्ष रवींद्र डासाळकर यांच्यासह रामप्रसाद पौळ, राजेभाऊ भुजाळ, शहराध्यक्ष रघुनाथ बागल, कपिल पुलारी, गणेश सवणे, नितीन आजो, सुंदर बरसाले, प्रल्हाद गोरे, विष्णूपंत सोळंके यांच्यासह शहरातील ग्राहकांनी वीज कंपनीच्या कार्यालयात टाळे ठोकले. (प्रतिनिधी)घरगुती ग्राहकास एक लाखाचे वीजबिलवीज वितरण कंपनीच्या गलथान कारभारास नागरिक वैतागले आहेत़ शहराजवळ देवला पुनर्वसन परिसरातील उद्धव दत्ताराव लाटे यांना वीज वितरण कंपनीने चक्क एक लाख सात हजाराचे वीज बिले दिले. चुकीच्या रिडींग, चुकीची बिले आदी कारणामुळे कंपनीच्या कारभाराविषयी प्रश्नचिन्ह निर्माण झाले आहेत़ सहाय्यक अभियंता राऊत यांच्यासह शहर कनिष्ठ अभियंता पवार हे नवखे अधिकाऱ्यांमुळे कंपनीचा कारभार रामभरोसे सुरू आहे़ हे दोन्हीही अधिकारी नवीन आहेत़ त्यामुळे कुठलेही काम ते गांभीर्याने करत नाहीत़ किरकोळ कारणामुळे वीज गूल होण्याचे प्रकार नित्याचे झाले आहे़ याबाबत ग्राहकांनी दूरध्वनी केला. असता कंपनीकडून कुठलेही उत्तर मिळत नाही़ त्यामुळे या दोन्हीही अधिकाऱ्यांची बदली करून अनुभवी अधिकाऱ्यांना सेलूत नियुक्त करावे, अशी मागणी ग्राहकांनी केली आहे़

Parabhani (Marathi News)

पाथरी : नगरपालिका कर्मचाऱ्यांनी आपल्या विविध प्रलंबित मागण्यांसाठी १५ जुलैपासून बेमुदत संप पुकारला आहे. ...

परभणी: परभणी कृषी उत्पन्न बाजार समिती सभापतीची निवड करण्यासाठी २२ जुलै रोजी विशेष सभा होणार होती. ...