Latest Marathi News

Sexual Abuse and Photo Video Viral: लग्नाचे आमिष दाखवून १९ वर्षीय तरुणीवर लैंगिक अत्याचार तसेच तिचे अश्लील फोटो व व्हिडीओ क्लिप व्हायरल केल्याचा प्रकार उघड झाला. फोटो व व्हिडीओ क्लिप व्हायरल करण्यासाठी त्याने तिच्याच स्नॅपचॅट आयडीचा उपयोग करणाऱ्या भिवापूर शहरातील आरोपीस उमरेड पोलिसांनी अटक केली आहे. आरोपीने तिचे आक्षेपार्ह फोटो व व्हिडीओ क्लिप तिच्याच नातेवाईक व मित्रमंडळींना पाठविले.मोहम्मद जुनैद सादिक शेख (२६, रा. कोष्टीपुरा शाळेजवळ, भिवापूर) असे अटकेतील आरोपीचे नाव आहे. पीडित तरुणी उमरेड येथील एका कॉलेजमध्ये शिक्षण घेत आहे. साधारणतः एक वर्षापूर्वी तिच्या स्नॅपचॅट आयडीवर आरोपी जुनैद शेख याची रिक्वेस्ट आली. स्नॅपचॅटवर मेसेज अन् दोघांची ओळख झालीही रिक्वेस्ट तिने स्वीकारल्यानंतर दोघांचेही स्नॅपचॅटवर चॅटिंग सुरू झाले. चॅटिंगदरम्यान आरोपी हा आपल्या नातेसंबंधातीलच असल्याची बाब तिला कळली. त्याच्यावर विश्वास ठेवत प्रत्येक गोष्टी शेअर झाल्या. तिच्या स्नॅपचॅटचा आयडीसुद्धा आरोपीला माहीत होता. स्नॅपचॅटच्या माध्यमातूनच दोघांची ओळख अधिक घट्ट झाली.वर्षभरापूर्वी आरोपी जुनैद तरुणीला भेटण्यासाठी उमरेड येथे आला. कहांडला मार्गावरील एका हॉटेलमध्ये नेत तिला लग्नाचे आमिष दाखवून शारीरिक संबंध ठेवले. दरम्यान, सहा महिन्यांपूर्वी तरुणीने जुनैदबाबत कुटुंबीयांना सांगितले. कुटुंबीयांनी नकार दिला. तेव्हापासून तिने त्याच्याशी बोलणे बंद केले होते.तरुणीला धमक्या देणे सुरू केलेआरोपी जुनैद शेख याच्याशी तरुणीने बोलणे बंद करताच तो चिडला. रूमवर भेटण्यासाठी ये, असा तगादाही त्याने सुरू केला. तिने भेटण्यास नकार दर्शविल्यानंतर आपल्या दोघांचेही फोटो आणि व्हिडीओ माझ्याकडे असून, ते तुझ्या कुटुंबीयांना, मित्र-मैत्रिणींना दाखवतो. तुझी बदनामी करतो, अशी धमकी तो वारंवार देऊ लागला.पीडितेच्याच 'स्नॅपचॅट आयडी'वरून व्हायरल२८ मार्च २०२६ रोजी आरोपी जुनैदने पुन्हा धमकीतंत्राचा वापर करीत उमरेड येथील एका दग्र्याजवळ तिला भेटण्यासाठी बोलावले. घराकडे परतल्यानंतर काही वेळातच तिच्या नातेवाइकाकडून स्नॅपचॅटवर अश्लील व्हिडीओ आल्याचे सांगितले. काही वेळातच व्हिडीओ डिलीट झाला.त्यानंतर १३ एप्रिलला रात्री ८ ते ९ वाजेदरम्यान पुन्हा पीडितेच्या स्नॅपचॅट आयडीवरून आरोपी आणि तिचे अश्लील व्हिडीओ व्हायरल झाल्याची बाब समोर आली. अखेरीस तिने पोलिसांत तक्रार नोंदविली. पोलिसांनी आरोपीचा मोबाइल फोन जप्त केला आहे. त्याने यासाठी लॅपटॉपचा वापर केल्याचे सूत्रांनी सांगितले. याप्रकरणी उमरेड पोलिसांनी पीडितेच्या तक्रारीवरून आरोपीविरुद्ध भारतीय न्याय संहिता (बीएनएस) कलम ६४, माहिती तंत्रज्ञान अधिनियम २००० सहकलम ६६ (ई), ६७ (अ) अन्वये गुन्हा नोंदवून अटक केली आहे. पुढील तपास पोलिस निरीक्षक धनाजी जळक करीत आहेत.

Iran War News, Pakistan : UNSC चा ईराणवर मोठा निर्णय! पाकिस्ताननेही केली कोंडी; आखाती देशांवरील हल्ले थांबवण्याचे आदेश ...