Latest Marathi News

लोकमत न्यूज नेटवर्कगडचिरोली : भामरागड तालुक्यातील दुर्गम दर्भा परिसरात रानडुकरांनी अक्षरशः उच्छाद मांडला असून दोन दिवसांत दोन जणांना जखमी केले. मात्र, या भीषण घटनेने प्रशासकीय सुविधांचे वाभाडे काढले असून, जंगलात रस्ता नसल्याने जखमीला चक्क कावड करुन एक किलोमीटरची पायपीट करत मुख्य रस्त्यापर्यंत आणावे लागले. ही हृदयद्रावक दृश्ये दुर्गम भागातील संघर्षाची साक्ष देत आहेत.पहिली घटना ३० एप्रिल रोजी सकाळी ९:३० च्या सुमारास घडली. दर्भा येथील मुल्ला चैतु पिडसे (५०) हे तेंदूपत्ता हंगाम जवळ आल्याने दोरी आणण्यासाठी धोडराजच्या जंगलात गेले होते. दरम्यान, एका रानडुकराने त्यांच्यावर झडप घालून पोटावर जबर हल्ला केला सोबतच्या लोकांनी आरडाओरडा केल्याने डुक्कर पळाले, पण मुल्ला गंभीर जखमी झाले होते.जंगलात रुग्णवाहिका जाणे अशक्य असल्याने ग्रामस्थांनी तात्काळ बांबूची कावड तयार केली. गंभीर जखमी मुल्ल यांना त्या कावडीत बांधून सुमारे एक किलोमीटरची डोंगरदऱ्यातून पायपीट केली. मुख्य रस्त्यावर रुग्णवाहिका आल्यानंतर त्यांना भामरागड ग्रामीण रुग्णालयात नेण्यात आले.दुसऱ्या दिवशी महिलेवर हल्लाही घटना ताजी असतानाच १ मे रोजी सकाळी १०:३० वाजता याच गावातील मादी टुगे पुंगाटी (४५) या महिलेवर रानडुकराने हल्ला केला. यात त्यांच्या उजव्या पायाला गंभीर दुखापत झाली आहे. दोघांचीही प्रकृती सध्या स्थिर असून त्यांच्यावर उपचार सुरू आहेत.भरपाई देण्याची मागणीतेंदूपत्ता संकलन सुरू होण्यापूर्वीच वन्य प्राण्यांचे हल्ले वाढल्याने मजुरांमध्ये प्रचंड दहशत पसरली आहे. वनविभागाने या परिसरात गस्त वाढवून जखमींना तात्काळ आर्थिक मदत देण्याची मागणी ग्रामस्थांनी केली आहे.

How to Get Immediate Relief From Gas And Bloating : स्वयंपाकघरातील २ पदार्थ वापरून तुम्ही गॅसच्या त्रासापासून आराम मिळवू शकता. ...

इतिहासावर प्रकाश टाकणाऱ्या विविध पुरातन वस्तूंच्याही नोंदी ...

डिचोली, कुडचडे-काकोडा, काणकोण, पेडणे, कुंकळ्ळी, वाळपईचा समावेश ...

गोवा राज्य योजना राबविण्यात अव्वल ...

स्वातंत्र्यानंतर तसेच १९३१ नंतर प्रथमच जातनिहाय माहितीचे संकलन हे या जनगणनेचे वैशिष्ट्य असेल. ...