Latest Marathi News

कोल्हापूर : आजरा स्टॅण्डसमोर विसरलेली १५ तोळे दागिने आणि एक लाखाची रोकड असलेली बॅग पोलिसांनी चार तासात शोधून तक्रारदारास परत केली. ही घटना रविवारी (दि.१०) घडली. सीसीटीव्ही फुटेज, तांत्रिक तपास आणि पोलिसांच्या तत्परतेमुळे २२ लाखांचे दागिने आणि एक लाखाची रोकड परत मिळाल्याने तक्रारदाराने पोलिसांच्या कामगिरीचे कौतुक केले.स्थानिक गुन्हे अन्वेषण शाखेचे निरीक्षक सुशांत चव्हाण यांनी दिलेल्या माहितीनुसार, मूळचे पेरणोली (ता. आजरा) येथे राहणारे धनाजी बाबूराव कांबळे हे कुटुंबीयांसह रविवारी सकाळी ७ वाजेच्या सुमारास खासगी ट्रॅव्हल्सने मुंबईहून आजरा स्टॅण्डसमोर पोहोचले. गावाकडे जाण्यासाठी त्यांनी रिक्षा ठरवली. सोबतच्या बॅगा रिक्षात ठेवून ते गावी गेले. दुपारी बारा वाजेच्या सुमारास एकूण सहा बॅगांमधील दागिन्यांची बॅग त्यांना आढळली नाही. शोध घेऊनही सापडत नसल्याने ती ट्रॅव्हल्समध्ये विसरली असावी किंवा चोरीला गेली असावी अशी शंका त्यांना आली. ते तातडीने आजरा पोलिस ठाण्यात गेले.कांबळे कुटुंबीय तक्रार देत असतानाच तिथे असलेले स्थानिक गुन्हे अन्वेषण शाखेतील अंमलदार समीर कांबळे यांनी तपासाला सुरुवात केली. संबंधित रिक्षाचालकाला फोन करून माहिती घेतली. घटनास्थळावरील सीसीटीव्ही फुटेजची पाहणी केली. त्यावेळी घाईत कांबळे कुटुंबीय दागिन्यांची बॅग एका दुकानासमोरच विसरल्याचे दिसले. दिवसभरात एका व्यक्तीने ती दुकानापासून १५ फूट अंतरावर अडगळीच्या जागेत सरकवल्याचे फुटेजमध्ये दिसले. त्यावरून तातडीने घटनास्थळी पोहोचून पाहणी केली असता दागिन्यांची बॅग सापडली. त्यातील १५ तोळे दागिने आणि एक लाखाची रोकड मिळाली.पोलिसांची तत्परता, नागरिकांचा प्रामाणिकपणासकाळी ७ वाजेच्या सुमारास हरवलेली बॅग दुपारी चारच्या सुमारास पोलिसांना सापडली. दिवसभरात वर्दळ असूनही कोणी बॅग उचलली नाही. ती उघडूनही पाहिली नाही. नागरिकांचा प्रामाणिकपणा आणि पोलिसांच्या तत्परतेमुळे बॅग सापडली. आजरा पोलिस ठाण्याचे सहायक पोलिस निरीक्षक शीतल डोईजड, उपनिरीक्षक संजय पाटील, अंमलदार वैभव गवळी यांनी बॅगचा शोध घेण्यास मदत केली.

मोदींनी लोकसभा निवडणुकीच्या आचारसंहितेमध्ये 27 मार्चला देशाला संबोधित केले होते. ...

सुरक्षिततेच्या कारणास्तव व्हिजिटर पास बंद, सुरक्षा व्यवस्था कडक करण्याचे निर्देश ...

...

कल्याण तहसीलदारांचे चाळी तलाठी पंचनाम्यात व्यस्त ...

जेवण झाल्यानंतर बिल घेण्यासाठी गेलेल्या चिडून आचाऱ्याला शिवीगाळ करत लाथाबुक्क्यांनी त्यांना मारहाण केली. ...