Latest Marathi News

NCP SP MP Supriya Sule Car Accident News: राष्ट्रवादी काँग्रेस शरद पवार गटाच्या खासदार सुप्रिया सुळे यांच्याबाबत एक मोठी माहिती समोर येत आहे. सुप्रिया सुळे यांच्या कारला अपघात झाल्याचे समजते. मुंबई आणि पुणे द्रुतगती मार्गावर हा अपघात झाला असून, सुदैवाने या कारमधून प्रवास करणाऱ्या कोणालाही इजा झालेली नाही. सर्व जण सुखरूप असल्याची म्हटले जात आहे. अलीकडेच उपमुख्यमंत्री एकनाथ शिंदे यांचे हेलिकॉप्टर भरकटले होते. एकनाथ शिंदे कुटुंबातील एका कार्यक्रमासाठी मुंबईहून मुरबाड येथे जाणार होते. मात्र हेलिकॉप्टरच्या पायलटने वेळीच प्रसंगावधान दाखविल्याने ते वळवून जुहू पवनहंस येथे आणून त्याचे यशस्वीपणे लँडिंग करण्यात आले. या घटनेत कुणालाही कोणतीही इजा झाली. यानंतर आता लगेचच सुप्रिया सुळे यांच्या अपघाताची माहिती समोर येत आहे.खासदार सुप्रिया सुळे यांच्या कारला अपघातखासदार सुप्रिया सुळे यांनी स्वतः एक्सवर एक पोस्ट करत या अपघाताबाबत माहिती दिली आहे. पुणे ते मुंबई प्रवास करत असताना, महामार्गावर मला एक अत्यंत वाईट अनुभव आला; एका बेपर्वा चालकामुळे एका कारची माझ्या कारच्या बाजूला जोरदार धडक बसली. सुदैवाने, सर्वजण सुखरूप आहेत. अशा घटना एक गंभीर आठवण करून देतात की, आपल्या रस्त्यांवर होणारा अतिवेग आणि निष्काळजीपणा यामुळे असंख्य जीवांना धोका निर्माण होऊ शकतो. मी प्रत्येकाला आवाहन करतो की, त्यांनी सीट बेल्ट वापरावेत, सावध राहावे आणि जबाबदारीने वाहन चालवावे; जेणेकरून आपले महामार्ग सर्वांसाठी अधिक सुरक्षित बनतील, असे सुप्रिया सुळे यांनी एक्स पोस्टमध्ये म्हटले आहे. या अपघातात सुप्रिया सुळे यांच्या गाडीचे थोडे नुकसान झाल्याची माहिती समोर आली आहे.दरम्यान, नुकतेच मुंबई पुणे द्रुतगती महामार्गावरील कनेक्ट लिंकचे लोकार्पण करण्यात आले आहे. मुंबई पुणे महामार्गावर अनेक अपघात झाले आहेत आणि अद्यापही होताना पाहायला मिळत आहेत. यात मोठी जीवितहानी झालेली पाहायला मिळालेली आहे. असे अपघात हे वाहतुकीचे नियम न पाळल्यामुळे होत असतात. अनेक रत्ने या महामार्गावरील अपघातामुळे महाराष्ट्राने गमावलेली आहेत.

US Iran ceasefire extension updates: होर्मुझची नाकेबंदी सुरू ठेवणे ही युद्धाला प्रवृत्त करण्याची कृती असल्याचेही इराणने म्हटलं आहे ...

उत्सव निर्विघ्नपणे पार पाडण्यासाठी प्रशासन सज्ज ...

खट्टर यांच्या डेहराडून येथील निवासस्थानी गोवा पोलिसांचे पथक पोहोचले. ...

पदयात्रेमध्ये सहभागी झालेल्या महिलांनी हातांत फलक घेऊन विरोधी पक्षांच्या धोरणांचा निषेध केला. ...

कॅसिनो जहाजाला देण्यात आलेल्या मंजुरीत अनियमितता झाल्याचा आरोप ...

Today's Horoscope: जाणून घ्या, कसा असेल तुमचा आजचा दिवस..., काय सांगते तुमची राशी... ...