Latest Marathi News

Bank Of Baroda Investment Tips: जर तुम्ही अशा गुंतवणूकदारांपैकी असाल ज्यांना गुंतवणुकीवर गॅरंटीड परतावा हवा आहे किंवा गुंतवणुकीत कोणताही धोका पत्करायचा नाही, तर तुमच्यासाठी एफडी हा एक उत्तम पर्याय आहे. बँक ऑफ बडोदाच्या ५ वर्षांच्या एफडी योजनेत तुम्हाला व्याजाच्या स्वरूपात उत्तम परतावा मिळेल. या योजनेत तुम्ही ₹१,१०,००० जमा केल्यास तुम्हाला ₹४५,६२६ पर्यंत व्याज मिळू शकतं. गुंतवणुकीपूर्वी या परताव्याचं नेमकं गणित, कालावधी आणि व्याजदर समजून घेणं अत्यंत आवश्यक आहे.५ वर्षांच्या एफडीवर व्याजदर किती?बँकेच्या अधिकृत वेबसाइटनुसार, ५ वर्षांपेक्षा जास्त आणि १० वर्षांपर्यंतच्या कालावधीच्या एफडीवर बँक ऑफ बडोदा सध्या सामान्य ग्राहकांना ६ टक्के व्याज देत आहे, तर ज्येष्ठ नागरिकांना ७ टक्के व्याज देत आहे. तसं तर तुम्ही किमान ७ दिवसांपासून ते कमाल १० वर्षांच्या कालावधीसाठी एफडी करू शकता आणि त्यासाठी वेगवेगळ्या कालावधीनुसार व्याजदर निश्चित केले आहेत. मात्र, आपण येथे ५ वर्षांच्या कालावधीवरील परताव्याबद्दल माहिती घेत आहोत.तुमच्या मुलीच्या खात्यात येतील ६९,२७,५७८ रुपये, तुम्हाला या योजनेत किती करावी लागेल गुंतवणूक, पैसेही राहतील सुरक्षित₹१,१०,००० च्या ठेवीवरील व्याजाचं गणितबँक ऑफ बडोदाच्या एफडी कॅल्क्युलेटरनुसार, जर एखाद्या सामान्य ग्राहकानं ५ वर्षांच्या एफडीमध्ये आज ₹१,१०,००० जमा केले, तर पाच वर्षांनंतर ६ टक्के व्याजदराच्या आधारावर त्याला ₹३८,१५४ परतावा मिळेल. म्हणजेच मॅच्युरिटीच्या वेळी ग्राहकाकडे एकूण ₹१,४८,१५४ चा निधी जमा होईल. याव्यतिरिक्त, जर ज्येष्ठ नागरिकांनी आज ५ वर्षांच्या एफडीमध्ये ₹१,१०,००० जमा केले, तर हिशोबानुसार त्यांना ₹४५,६२६ चा परतावा मिळेल. म्हणजेच मॅच्युरिटीवर त्यांच्याकडे १,५५,६२६ रुपयांचा निधी असेल.एफडी का आहे खास?फिक्स्ड डिपॉझिट (FD) ही बँका आणि एनबीएफसीद्वारे (NBFC) दिली जाणारी एक सुरक्षित गुंतवणूक योजना आहे, ज्यामध्ये तुम्ही एकरकमी रक्कम निश्चित कालावधीसाठी (७ दिवस ते १० वर्षांपर्यंत) जमा करू शकता. यावर सामान्य बचत खात्याच्या तुलनेत अधिक व्याज मिळतं, ज्यामुळे स्थिर परतावा शोधणाऱ्या गुंतवणूकदारांमध्ये ही योजना अत्यंत लोकप्रिय आहे. एफडीच्या वैशिष्ट्यांमध्ये गॅरंटीड परतावा, व्याज देयकाचे लवचिक पर्याय (मासिक, त्रैमासिक किंवा एकत्रित) आणि ज्येष्ठ नागरिकांसाठी अतिरिक्त व्याजदर यांचा समावेश होतो. यामुळेच गुंतवणुकीचा हा एक विश्वासार्ह आणि सोपा पर्याय मानला जातो.

पुष्पा चित्रपटातील चंदनाच्या तस्करी प्रमाणे वसईत चंदन तस्करीचे मोठे रॅकेट पकडले आहे. ...