Babar Azam Clean bowled Shaheen Afridi Kid Video: पाकिस्तान सुपर लीग (PSL 2026) मधील एका मजेशीर व्हिडिओने सध्या सोशल मीडियावर चाहत्यांचे लक्ष वेधून घेतले आहे. पाकिस्तानचा स्टार फलंदाज बाबर आझमला शाहीन आफ्रिदीचा अवघा एक वर्षाचा मुलगा अलियार याने चक्क 'क्लीन बोल्ड' केले. या व्हायरल व्हिडिओवर चाहते मजेशीर कमेंट्स करताना दिसत आहेत.
चिमुरड्याने उडवला बाबर आझमचा त्रिफळा!
पेशावर झल्मी आणि लाहोर कलंदर्स यांच्यातील सामन्यानंतर मैदानाबाहेर हा मजेशीर प्रसंग घडला. व्हायरल व्हिडिओमध्ये अलियार आफ्रिदीने टाकलेल्या चेंडूवर बाबर आझम खेळताना दिसत आहे, जिथे आधी एक चेंडू बाबर टोलवतो. पण पुढच्याच चेंडूवर बाबर आझम 'क्लीन बोल्ड' होतो. हे पाहून स्वतः शाहीन आफ्रिदीलाही हसू आवरत नाही.
चाहत्यांच्या प्रतिक्रिया
हा व्हिडिओ व्हायरल होताच चाहत्यांनी बाबरला ट्रोल करण्याची संधी सोडली नाही. एका चाहत्याने लिहिले, "बॉब्जीला एका लहान मुलाने आऊट केले," तर दुसऱ्याने मजेशीरपणे म्हटले, "बाबर आता लहान मुलांकडूनही बीट होतोय."
--
--
बाबरचा फॉर्म
दरम्यान, बाबर आझम सध्या पीएसएल २०२६ मध्ये जबरदस्त फॉर्मात आहे. त्याने ९ डावात ८०.८३ च्या सरासरीने ४८५ धावा केल्या असून तो स्पर्धेत सर्वाधिक धावा करणाऱ्या खेळाडूंच्या यादीत दुसऱ्या क्रमांकावर आहे. पण मैदानावर मात्र शाहीन आफ्रिदीच्या लाहोर कलंदर्सने बाबरच्या पेशावर झल्मीचा ६ गडी राखून पराभव केला. या विजयामुळे लाहोरचे बाद फेरीतील (Playoffs) आव्हान कायम राहिले आहे. पराभवानंतरही पेशावर झल्मी १० पैकी ८ सामने जिंकून १७ गुणांसह गुणतालिकेत अव्वल स्थानी कायम आहे.
