Latest Marathi News

२०१० मध्ये रिलीज झालेल्या हाऊसफूल या सिनेमाने तुफान लोकप्रियता मिळवली. त्यामुळेच आतापर्यंत या फ्रेंचायजीमधील जवळपास ५ सिनेमा रिलीज झाले आहेत. साजिद खान यांचा हाऊसफूल सिनेमाचा पहिला पार्ट रिलीज होऊन नुकतीच १६ वर्ष पूर्ण झाली आहेत. या निमित्ताने अभिनेत्री लारा दत्ता (Lara Dutta) हिने नुकत्याच काही सिनेमाशी निगडीत आठवणी शेअर केल्या.अलिकडेच लाराने एनडीटीव्हीला मुलाखत दिली. या मुलाखतीमध्ये तिने हाऊसफूल सिनेमाची आठवण सांगत असतांना अभिनेत्री दीपिका पदुकोणच्या (Deepika Padukone) कामाचं कौतुक केलं. या सिनेमाचं शुटिंग सुरु असतांना दीपिकाला मलेरिया झाला होता. मात्र, तरीदेखील ती सातत्याने काम करत होती.''या सिनेमाचं इटलीमध्ये शुटिंग सुरु होतं आणि आम्ही सगळेच जण एक कुटुंब असल्यासारखं एकत्र रहात होतो. साजिद नाडियादवालाने सेटवर तसंच घरच्या सारखं वातावरण निर्माण केलं होतं. आम्ही सगळेच जण छान एकत्र रहात होतो. ज्यावेळी प्रोडक्शन कोणत्याही अडथळ्याशिवाय नीट चालतं त्यावेळी सगळे प्रॉब्लेम्सही आपोआप सुटतात'', असं लारा म्हणाली.पुढे ती म्हणते, ''हाऊसफूलचं शुटिंग सुरु असतांना दीपिकाला मलेरिया झाला होता हे फार कमी जणांना माहित आहे. मलेरियामुळे तिला खूप अशक्तपणा आला होता. तिला डॉक्टरांकडे सतत जावं लागत होतं, औषध सुरु होती. पण, दीपिका एक प्रोफेशनल अभिनेत्री आहे. रात्रभर तिला ताप होता, अशक्तपणामुळे ती थरथर कापत होती. परंतु, तरी सुद्धा औषध घेऊन ती सकाळी सेटवर शुटिंगसाठी तयार असायची. फक्त इतकंच नाही तर आजारी असतांनाही तिने उत्तमरित्या तिची भूमिका पार पाडली. आजारपणाचं कारण पुढे देत तिने जराही कामात हलगर्जीपणा दाखवला नाही. प्रामाणिकपणे तिने तिचं काम केलं.''दरम्यान, साजिद खानच्या हाऊसफूलमध्ये अक्षय कुमार, रितेश देशमुख, दीपिका पदुकोण आणि लारा दत्ता मुख्य भूमिकेत झळकले होते. त्यांच्या व्यतिरिक्त या सिनेमात बोमन इराणी, अर्जुन रामपाल, लिलेट दुबे हे कलाकारही झळकले होते.

सर्वेपी सुखीनः सन्तु उक्तीप्रमाणे सर्वांच्या ईच्छा, आरोग्य चांगल्या असोत, कोणालाही दुःख नसावे : शाम अत्रे ...

Optical Illusion : तुमच्यासमोर असलेल्या फोटोत तुम्हाला सगळीकडे Nose असा शब्द दिसत आहे. पण यात वेगळा शब्द आहे तो म्हणजे Rose. ...

मुलांना चहा-बिस्किट देऊ नयेत, असं डॉक्टरांचं म्हणणं आहे. यामुळे मुलांच्या आरोग्याचं मोठं नुकसान होऊ शकतं. ...

Bhandara : विदेशात जाण्याआधी करा तयारी; डाक कार्यालयात स्वतंत्र विभाग ...

आवडत्या व्यक्तीवरील प्रेम व्यक्त करण्यासाठी लोक वाट्टेल ते करण्यास तयार असतात. ...

शेतकरी कुटुंबावर दु:खाचा डोंगर; ताणतारेत विद्युत पुरवठा उतरून झाली दुर्घटना ...