Latest Marathi News

बाहेर पाटी एटीएमची आणि आत सलून सुरू असल्याचा अजब प्रकार पाटणा येथील दानापूर येथे सुरू आहे. तसेच बाहेरू एटीएम आणि आत हजामत हे दृश्य पाहून लोकही अवाक् होत आहेत. याबाबत मिळालेल्या माहितीनुसार येथील एसबीआयच्या एका जुन्या एटीएममध्ये आता रोख रक्कम काढण्याचं नाही तर केस कापण्याचं आणि दाढी करण्याचं काम चालतं. येथे बाहेर पूर्ण सेटअप हा एसबीआयच्या एटीएमचा आहे. मात्र आतमध्ये शिरताच लोकांना एटीएम नाही तर सलूनमधील मोठी खुर्ची, आरसे आणि हेअर ड्रायर दिसतात.हे अजब सलून दानापूरमधील रूपसपूर परिसरातील उषा व्हिला येथे आहे. स्थानिक लोक सांगतात की, येथे अनेक वर्षांपर्यंत स्टेट बँक ऑफ इंडियाचं एटीएम सुरू होतं. तसेच आजूबाजूच्या परिसरातील लोक रोख रक्कम काढण्यासाठी येथेच यायचे. मात्र काही महिन्यांपूर्वी हे एटीएम येथून हटवण्यात आले. मात्र एटीएम हटवल्यानंतर त्याचा बोर्ड, बाहेरील डिझाईन आणि एकूण स्ट्रक्चर तसाच ठेवण्यात आला होता. पुढे काही दिवसांत ही जागा एका सलूनवाल्याला भाड्याने देण्यात आली. आता तिथे सलून सुरू आहे. मात्र बाहेरील रचनेमुळे अनोळखी लोकांची गफलत होते आणि ते पैसे काढण्यासाठी येतात.स्थानिकांच्या मते त्यांचाही सुरुवातीला गोंधळ उडायचा. एटीएममध्ये सलून कसं काय सुरू झालं,असा प्रश्न पडायचा. आता ही जागा परिसरात चर्चेचा विषय ठरली आहे.

बालाघाट आणि भंडारा जिल्ह्याच्या टोकावर असलेल्या सिहोरा परिसरातील सीमावर्ती १३ गावात वाघाची दहशत आहे. ...