Latest Fashion News | Fashion Marathi News | Latest Fashion News in Marathi | फॅशन: ताज्या मराठी बातम्या

ओटीपोट थुलथुलीत दिसणे ही अनेकांची सामान्य तक्रार असते. वजन फार वाढलेले नसतानाही पोटाचा भाग जास्त उठून दिसतो आणि त्यामुळे आत्मविश्वास कमी होतो. पोटाचा भाग जरा विचित्र दिसतो. खास म्हणजे मुलींचे ओटीपोट. (Does your belly look too big? To hide it use these tricks, your belly will look beautiful)हार्मोन्स, मासिक पाळी आणि इतरही अनेक कारणांमुळे फक्त ओटीपोट फुगीर दिसायला लागते. ते अगदी नैसर्गिक आहे. काही साध्या सवयी आणि योग्य कपड्यांची निवड केली तर ओटीपोट कमी उठून दिसते आणि शरीराचा आकार अधिक सुंदर वाटू शकतो.ओटीपोट जास्त दिसण्यामागे चुकीची बसण्याची पद्धत, सतत बसून राहणे, अपचन, वायू, बद्धकोष्ठता किंवा चुकीची खाण्याची वेळ अशी अनेक कारणे असू शकतात. त्यामुळे सर्वात आधी शरीराची ठेवण सुधारणे गरजेचे आहे. उभे राहतानाही आणि बसतानाही पाठ सरळ ठेवणे, खांदे सैल ठेवणे आणि पोट आत घेतलेले नसले तरी सैल सोडलेले न ठेवणे यामुळे पोटाचा आकार कमी जाणवतो. नियमित चालणे, हलका व्यायाम आणि पचन सुधारा. या सवयी ओटीपोटावरची सूज आणि फुगवटा कमी होण्यास मदत करतात.कपड्यांची निवड ओटीपोट कमी दिसण्यासाठी फार महत्त्वाची ठरते. फार घट्ट कपडे टाळावेत, विशेषतः पोटाच्या भागावर घट्ट बसणारे टॉप्स, कुर्ते किंवा पँट. सैल पण योग्य फिट असलेले कपडे शरीराला अधिक सडपातळ दाखवतात. सरळ कटचे कुर्ते, ए-लाइन ड्रेसेस, थोडे लांब टॉप्स किंवा स्ट्रेट पँट्स ओटीपोट झाकण्यास मदत करतात. तसेच पँट वेस्ट कव्हर असणारी वापरा. कंबर जास्त खाली किंवा फार वर असलेले कपडे टाळून मध्यम उंचीची कंबर असलेले कपडे निवडावेत.रंग आणि डिझाइनचाही मोठा फरक पडतो. गडद आणि एकसंध रंग शरीराला सुट करतात तर फार मोठे प्रिंट्स किंवा पोटाच्या भागावर आडव्या रेषा असलेले डिझाइन पोट जास्त वाढवून दाखवतात. उभ्या रेषा, साधे प्रिंट्स किंवा थोडे फ्लोई फॅब्रिक असलेले कपडे अधिक योग्य ठरतात. जाड आणि कडक कापडाऐवजी हलके कापड वापरल्यास पोटावर घट्ट बसत नाही आणि फुगवटा कमी जाणवतो. तसेच अगदी फिके रंग वापरणे टाळा. कपड्यांमध्ये पोट जास्त वाटू नये यासाठी आतले कपडेही महत्त्वाचे असतात. योग्य साईजचे, आरामदायक इनरवेअर वापरल्यास शरीराचा आकार नीट दिसतो. फार घट्ट किंवा चुकीच्या मापाचे इनरवेअर पोटाला अधिक दाखवतात. कधी कधी हलके शेपवेअरही उपयोगी ठरते, पण त्याचा अतिवापर टाळावा.

Fashion (Marathi News)

...

Anushka Sharma fashion: silver earrings : silver jhumkas: latest earring designs : ऑफिस कुर्तीसाठी योग्य ठरणाऱ्या सिल्व्हर कानातल्यांचे ५ लेटेस्ट पॅटर्न. ...

Does your belly look too big? To hide it use these tricks, your belly will look beautiful : ओटीपोट वाढल्यामुळे काय कपडे घालावेत असा प्रश्न पडत असेल तर पाहा कसे लपवावे. ...