Astro Tip: नकारात्मक लोकांमुळे तुमची ऊर्जा कमी होतेय? 'हा' सोपा उपाय नक्की करून पहा!

Astro Tip : परिस्थिती बदलता येत नाही तेव्हा मनस्थिती बदला, यासाठी ज्योतिष शास्त्राचा छोटासा उपाय करेल नकारात्मक ऊर्जेपासून तुमचे रक्षण!

सभोवतालच्या वातावरणाचा आणि लोकांच्या विचारांचा आपल्या मनावर खोलवर परिणाम होत असतो. अनेकदा आपल्याला अशा व्यक्ती भेटतात, ज्यांच्याशी बोलल्यानंतर आपल्याला खूप थकल्यासारखे वाटते किंवा मनावर एक प्रकारचे दडपण येते. यालाच 'एनर्जी ड्रेन' (Energy Drain) किंवा नकारात्मक ऊर्जेचा प्रभाव असे म्हणतात.

हे ही वाचा : Mangal Gochar 2026: ११ मे ते २१ जून 'या' तीन राशींसाठी सुवर्णकाळ; मंगळ देणार प्रगतीची मोठी संधी!

अशा नकारात्मक लोकांपासून स्वतःच्या ऊर्जेचे रक्षण कसे करावे, याबद्दल ज्योतिष अभ्यासक शिरीष कुलकर्णी यांनी एक अत्यंत सोपा आणि प्रभावी उपाय सांगितला आहे.

आपण घरी असू किंवा ऑफिसमध्ये, आपल्याला विविध प्रवृत्तीच्या लोकांशी संवाद साधावा लागतो. काही लोक उत्साही असतात, तर काही सतत तक्रार करणारे किंवा नकारात्मक विचार पसरवणारे असतात. अशा व्यक्तींशी संवाद झाला की आपली सकारात्मक ऊर्जा कमी होऊ लागते. या समस्येवर ज्योतिषशास्त्राच्या दृष्टीकोनातून ज्योतिष अभ्यासक शिरीष कुलकर्णी यांनी 'खडे मीठ' (Rock Salt) वापरण्याचा सल्ला दिला आहे.

हे ही वाचा : Adhik Maas 2026: तब्बल ११ वर्षांनंतर दुर्मिळ योग! अधिक मासात सुख समृद्धीसाठी 'या' तीन गोष्टींचे करा दान!

काय आहे हा उपाय?

शिरीष कुलकर्णी यांच्या मते, नकारात्मक ऊर्जेचा प्रभाव कमी करण्यासाठी खडे मीठ हे अत्यंत गुणकारी आहे. त्यांनी सांगितलेली पद्धत खालीलप्रमाणे आहे:

१. सोबत खडे मीठ ठेवा: तुमचे घर असो वा ऑफिसचे टेबल, आपल्या जवळ एका छोट्या डबीत किंवा वाटीत थोडे खडे मीठ नेहमी ठेवा.
२. ऊर्जेचा अभाव जाणवल्यास: समजा, एखाद्या व्यक्तीशी बोलल्यानंतर तुम्हाला अचानक अस्वस्थ वाटू लागले, डोके जड झाले किंवा तुमची ऊर्जा कमी झाल्याचे जाणवले, तर त्वरित हा उपाय करा.
३. मीठ हातावर चोळा: थोडेसे खडे मीठ हातावर घ्या आणि ते दोन्ही हातांच्या तळव्यांवर हलक्या हाताने चोळा.
४. हात स्वच्छ धुवा: त्यानंतर बेसिनमध्ये पाण्याने आपले हात स्वच्छ धुवून घ्या.

हा उपाय केल्यावर तुम्हाला लगेचच हलकेपणा आणि सकारात्मक बदल जाणवेल.

हे ​​​ही वाचा : Numerology: 'या' जन्मतारखेचे लोक असतात अति संवेदनशील; सभोवतालच्या वातावरणाचा खोलवर होतो परिणाम

या उपायामागचे महत्त्व

ज्योतिषशास्त्र आणि वास्तुरचना शास्त्रात मिठाला नकारात्मकता शोषून घेणारा घटक मानले जाते. खडे मीठ हे नैसर्गिक स्वरूपात असल्याने त्यामध्ये नकारात्मक लहरी खेचून घेण्याची क्षमता जास्त असते. जेव्हा आपण ते हातावर चोळून पाण्याने धुतो, तेव्हा आपल्या शरीराच्या बाह्य थरावरील साचलेली नकारात्मक ऊर्जा (Aura) स्वच्छ होण्यास मदत होते.

नकारात्मक लोकांशी संवाद टाळणे नेहमीच शक्य नसते, पण त्यांच्यामुळे स्वतःचे मानसिक स्वास्थ्य बिघडू न देणे आपल्या हातात आहे. शिरीष कुलकर्णी यांनी सांगितलेला हा खडे मिठाचा छोटासा प्रयोग तुमच्या दैनंदिन जीवनात सकारात्मकता टिकवून ठेवण्यासाठी नक्कीच उपयुक्त ठरेल.