मोबाइल ताज्या मराठी बातम्या | Mobile Online News in Marathi at Lokmat.com

स्मार्टरॉनचा कंपनीच्या पी मालिकेतील हे मॉडेल आहे. गेल्या अनेक दिवसांपासून याची चर्चा सुरू होती. याला पूर्णविराम देत कंपनीने याचे अधिकृत अनावरण केले आहे. स्मार्टरॉन टी.फोन पी या मॉडेलमध्ये अनेक उत्तमोत्तम फिचर्स असले तरी वर नमूद केल्यानुसार यातील सर्वात लक्षणीय फिचर म्हणजे यातील बॅटरी होय. यामध्ये ५,००० मिलीअँपिअर क्षमतेची बॅटरी दिलेली आहे. ही बॅटरी एकदा चार्ज केल्यानंतर तब्बल दोन दिवसांचा बॅकअप देत असल्याचा कंपनीचा दावा आहे. यात क्विक चार्जींगचा सपोर्ट असल्यामुळे ही बॅटरी फक्त ९० मिनिटांमध्ये पूर्णपणे चार्ज करता येते. महत्वाची बाब म्हणजे युएसबी-ओटीजी केबलच्या माध्यमातून या बॅटरीच्या मदतीने अन्य स्मार्टफोन, टॅबलेट, स्मार्टबँड आदी उपकरणांना चार्ज करता येते. यात एफ/२.२ अपार्चर आणि एलईडी फ्लॅशने सज्ज असणारा १३ मेगापिक्सल्स क्षमतेचा कॅमेरा देण्यात आला आहे. यात ब्युटिफाय, एचडीआर, पॅनोरामा, टाईम लॅप्स आणि बर्स्ट मोड प्रदान करण्यात आले आहेत. तर लो-लाईट फ्लॅशसह यात ५ मेगापिक्सल्सचा फ्रंट कॅमेरा आहे. यात दर्जेदार सेल्फीसाठी वाईड सेल्फी हे विशेष फिचर देण्यात आले आहे.स्मार्टरॉन टी.फोन पी या मॉडेलमध्ये पूर्णपणे मेटल बॉडी दिलेली आहे. यात ५.२ इंच आकारमानाचा एचडी(१२८० बाय ७२० पिक्सल्स) क्षमतेचा डिस्प्ले आहे. यात क्वॉलकॉमचा ऑक्टा-कोअर स्नॅपड्रॅगन ४३५ प्रोसेसर असेल. याची रॅम ३ जीबी आणि इनबिल्ट स्टोअरेज ३२ जीबी असून मायक्रो-एसडी कार्डच्या मदतीने हे स्टोअरेज वाढविण्याची सुविधा दिलेली आहे. हा स्मार्टफोन अँड्रॉइडच्या नोगट या आवृत्तीवर चालणारा आहे. यात फोर-जी व्हिओ-एलटीई नेटवर्क सपोर्टसह फिंगरप्रिंट स्कॅनर, ब्ल्यू-टुथ, वाय-फाय, जीपीएस, मायक्रो-युएसबी, युएसबी-ओटीजी आदी फिचर्स असतील. तर यात अॅक्सलेरोमीटर, गायरोस्कोप, ग्रॅव्हीटी, अँबिअंट लाईट सेन्सर्सदेखील प्रदान करण्यात आले आहेत. स्मार्टरॉन टी.फोन पी हा स्मार्टफोन ७,९९९ रूपये मूल्यात फ्लिपकार्ट या शॉपींग पोर्टलवरून उपलब्ध करण्यात आला आहे. १७ जानेवारी रोजी दुपारी १२ वाजता याचा पहिला फ्लॅश सेल होणार आहे. हा स्मार्टफोन खरेदी करणार्या ग्राहकाला ही कंपनी आपल्या टी क्लाऊड सेवेची तब्बल १ टेराबाईट इतके स्टोअरेज एक वर्षासाठी मोफत वापरण्यास देणार आहे.

मोबाइल, मराठी बातम्याFOLLOW

Mobile, Latest Marathi News