खुशी कपूर ताज्या मराठी बातम्या | Khushi Kapoor Online News in Marathi at Lokmat.com

-रवींद्र मोरे २०१८ मध्ये बऱ्याच स्टार किड्सने आपले नशिब आजमावले. काही पहिल्याच चित्रपटात हिट झाले तर काही या इंडस्ट्रीत पाय रोवण्याचा प्रयत्न करत आहेत. गेल्यावर्षी सलमानचा मेहूणा आयुष पासून ते श्रीदेवीची मुलगी जान्हवी कपूरने आपल्या अॅक्टिंगचे कौशल्य दाखविले. २०१९ या नव्या वर्षातही काही स्टारकिड्स बॉलिवूड डेब्यू करण्यासाठी सज्ज झाले आहेत. जाणून घेऊया त्यांच्याबाबत... * खुशी कपूरआपल्या अभिनय कौशल्याने लाखो मनावर राज्य गाजविणारी प्रसिद्ध दिवंगत अभिनेत्री श्रीदेवीची मुलगी जान्हवी कपूरने गेल्या वर्षी ‘धड़क’ चित्रपटाद्वारे बॉलिवूडमध्ये पदार्पण केले. प्रेक्षकांना हा चित्रपट खूपच आवडला. याच दरम्यान आता श्रीदेवीची दुसरी मुलगी खुशी कपूरदेखील यावर्षी बॉलिवूडमध्ये एन्ट्री करणार असल्याचे संकेत आहेत. अलिकडेच याचा खुलासा करण जौहरने केला आहे. मीडिया रिपोर्टनुसार खुशी कपूर लवकरच अभिनेता जावेद जाफरीचा मुलगा मिजानसोबत बॉलिवूड डेब्यू करु शकते. * अनन्या पांडेअभिनेता चंकी पांडेची मुलगी अनन्या पांडे टायगर श्रॉफसोबत यावर्षी 'स्टूडेंट ऑफ द ईयर 2' द्वारे बॉलिवूड डेब्यू करणार आहे. या चित्रपटात अनन्यासोबत तारा सुतारियादेखील दिसणार आहे. या चित्रपटाची शूटिंग सुरु झाली असून प्रेक्षकांना याची खूपच उत्सुकता आहे. * तारा सुतारियातारा सुतारिया लवकरच टायगर श्रॉफसोबत 'स्टूडेंट ऑफ द ईयर 2' द्वारा बॉलिवूड डेब्यू करणार आहे. चित्रपटाची शूटिंग जोरात सुरु असून याचे दिग्दर्शन पुनीत मल्होत्रा करत आहेत. हा चित्रपट ‘स्टूडेंट ऑफ द ईयर’चा सीक्वल असून याच वर्षी रिलीज होणार आहे. * मिजान जाफरीजावेद जाफरीचा मुलगा मिजान जाफरीदेखील यंदा बॉलिवूड डेब्यू करण्यासाठी सज्ज झाला आहे. करण जौहरने अलिकडे एका रेडिओ टॉक शोमध्ये सांगितले की, ‘बोनी कपूरची लहान मुलगी खुशी कपूर आणि जावेद जाफरीचा मुलगा मिजान चित्रपटसृष्टीत पदार्पण करु शकतात.’ करण पुढे म्हणाला की, ‘मिजान दमदार काम करेल, तो एक पोटेंशियल बिग स्टार आहे आणि जबरदस्त डान्सरदेखील आहे, आणि खुशी तर खूपच सुंदर आणि लाडकी आहे.’* प्रनूतन बहलसलमान खानने मेहूणा आयुष शर्माला लॉन्च केल्यानंतर अभिनेत्री नूतन यांच्या नातीला लॉन्च करण्याच्या तयारीत आहे. सलमानने याचा खुलासा स्वत: सोशल मीडियावर केला आहे. प्रतूनत नात्यात काजोलची भाजी लागते. प्रनूतन व्यवयासायाने वकील आहे, मात्र चित्रपटात काम करण्याची लहानपणापासून इच्छा आहे. सलमानने जेव्हापासून याचा खुलासा केला आहे, तेव्हापासून प्रनूतनचे फोटोज सोशल मीडियावर व्हायरल होत आहेत. * आलिया फर्नीचरवाला१९९२ मध्ये ‘जो जीता वही सिकंदर’द्वारा पूजा बेदीने डेब्यू केला होता. चित्रपट सुपरहिट ठरला होता, मात्र तिच्या करिअरने गगनभरारी घेतली नाही. आता पूजा बेदीची मुलगी आलिया फर्नीचरवालादेखील डेब्यू करण्यासाठी सज्ज झाली आहे. आलिया, सैफ अली खानसोबत 'जवानी जानेमन' मध्ये दिसणार आहे. याचे दिग्दर्शन नितिन कक्करने केले आहे. यात आलिया, सैफ अली खानच्या मुलीची भूमिका साकारणार आहे.

खुशी कपूर, मराठी बातम्याFOLLOW

Khushi kapoor, Latest Marathi News