खामगाव ताज्या मराठी बातम्या | khamgaon Online News in Marathi at Lokmat.com

- देवेंद्र ठाकरेलोकमत न्यूज नेटवर्कखामगाव : ग्रामीण भागात गाव स्तरावर काम करणाऱ्या ग्राम रोजगार सेवकांच्या मानधनाचा प्रश्न अद्यापही सुटलेला दिसत नाही. निदान दिवाळीच्या आधी मानधन व्हावे, ही अपेक्षा होती; परंतु दिवाळी झाल्यानंतरही त्यांना मानधन मिळालेले नाही. त्यामुळे रोजगार सेवकांमध्ये रोष व्यक्त होत आहे.खामगाव तालुक्यात एकूण ९७ ग्राम रोजगार सेवक काम करतात. महात्मा गांधी राष्ट्रीय ग्रामीण रोजगार हमी योजनेंतर्गत करण्यात येणारी कामे पुर्ण करून घेण्यात ग्राम रोजगार सेवकांची महत्वाची भुमिका असते. ग्राम रोजगार सेवकांना कामाचे स्वरूप पाहून मानधन ठरविण्यात येते. गाव पातळीवर घरकूल बांधकाम, वृक्ष लागवड, तुती लागवड, विहिरी यासह विविध कामे करून घेण्यासाठी ग्राम रोजगार सेवक योगदान देतात. दरम्यान खामगाव तालुक्यातील ग्राम रोजगार सेवकांना गत जानेवारी महिन्यापासून मानधन मिळाले नसल्याचे रोजगार सेवकांचे म्हणने आहे. निदान दिवाळीपुर्वी तरी मानधन होईल, अशी अपेक्षा असताना त्यांच्या आशेवर पाणी फेरल्या गेले आहे. रोजगार सेवकांची दिवाळीही अंधारातच गेली आहे. याआधी तत्कालीन बीडीओ यांना निवेदन देऊन मानधन देण्याची मागणी रोजगार सेवकांनी केली होती, परंतु यावरही काही झाले नाही. त्यानंतर महात्मा गांधी राष्ट्रीय ग्रामीण रोजगार हमी योजनेचे सहाय्यक कार्यक्रम अधिकारी गौरव खोडके व गटविकास अधिकारी राजपूत यांच्या कानावरही मानधनाचा विषय घालण्यात आला.परंतु निधी उपलब्ध नसल्याचे कारण देत अद्यापही समाधानकारक प्रतिसाद मिळाला नसल्याचे दिसून येते. एकीकडे तोकड्या मानधनावर काम करावे लागत असताना, रक्कम वेळेवर मिळत नसल्याने ग्राम रोजगार सेवकांना आर्थिक अडचणींचा सामना करावा लागत आहे. खामगाव तालुक्यातील ग्राम रोजगार सेवकांचे साधारणपणे ५ ते ३० हजार रूपयांपर्यत मानधन रखडले असल्याचे ग्राम रोजगार सेवक संघटनेचे तालुकाध्यक्ष ज्ञानेश्वर महाले यांनी सांगितले. दरम्यान अलीकडेच झालेल्या चर्चेनुसार येत्या १० तारखेपर्यंत रोजगार सेवकांच्या मानधनाचा मुद्दा मार्गी लागेल, असे संबंधित विभागाचे म्हणने असल्याचे सांगतानाच, जोपर्यंत मानधन प्रत्यक्ष खात्यात जमा होत नाही, तोपर्यंत याची श्वाश्वती देणे अवघड असल्याचेही महाले म्हणाले.ग्राम रोजगार सेवकांच्या मानधनाचा प्रश्न लवकरच निकाली काढण्यात येईल. एक ते दोन दिवसात रक्कम खात्यात जमा करण्यात येईल.-गौरव खोडकेसहाय्यक कार्यक्रम अधिकारीम.गां. रा. ग्रा.रो.ह.यो., खामगाव.एकीकडे तोकड्या मानधनावर काम करावे लागत असताना, आहे ते मानधन वेळेवर मिळत नसल्याने रोजगार सेवकांना आर्थिक अडचणींचा सामना करावा लागत आहे.-ज्ञानेश्वर महाले, तालुकाध्यक्ष, ग्राम रोजगार सेवक संघटना.

खामगाव, मराठी बातम्याFOLLOW

Khamgaon, Latest Marathi News

परतीच्या पावसामुळे खरीपाचा हंगाम हातून जाण्यासोबतच रब्बीचा हंगामही चांगलाच लांबला आहे. ...

एक वर्ष उलटले तरी जिल्हयातील अनेक ग्रामपंचायतीत ही सेवा सुरु होवू शकली नसल्याचे दिसून येते. ...

स्वित्झर्लंड येथील कृषी विशेषज्ज्ञ डॉ. सिल्वा लिबरहर यांच्याशी साधलेला संवाद... ...

खामगाव शहरातील संवेदनशील भागात कलम १४४ अन्वये प्रतिबंधीत आदेश लागू करण्यात आला आहे. ...

अल्प शेतकºयांना होणार ‘नाफेड’च्या खरेदी केंद्राचा लाभ ...

दिवाळीच्या आधी मानधन व्हावे, ही अपेक्षा होती; परंतु दिवाळी झाल्यानंतरही त्यांना मानधन मिळालेले नाही. ...