Satara Crime: महाविद्यालयात कार्यरत असलेल्या एका प्राध्यापकाने थेट विद्यार्थिनीसोबत नको तो प्रकार केला. विद्यार्थिनीला सोशल मीडियावरून संपर्क करून तिच्याकडे शरीरसंबंध ठेवण्याची मागणी केली. हा प्रकार समोर आल्यानंतर संतापाची लाट उसळली.
उंब्रजमधील एका महाविद्यालयातील युवतीला त्याच महाविद्यालयातील प्राध्यापकाने सोशल मीडियावरून अश्लील मेसेज करून शरीरसुखाची मागणी केल्याची धक्कादायक घटना समोर आली.
याप्रकरणी संबंधित प्राध्यापकावर उंब्रज पोलिस ठाण्यात मंगळवारी (१७ मार्च) सायंकाळी गुन्हा दाखल झाल्यानंतर पोलिसांनी प्राध्यापकाला तत्काळ अटक केली.
पोलिसांनी दिलेली माहिती अशी, संबंधित युवती ही एका महाविद्यालयात शिक्षण घेत असून, संशयित आरोपी प्राध्यापक धनाजी तानाजी सावंत (रा. पापरी, ता. मोहोळ, जि. सोलापूर) याने तिला मोबाईलवर अश्लील मेसेज केले. त्याने मेसेज करून शरीर सुखाची मागणी केली.
या प्रकारामुळे घाबरलेल्या युवतीने ही घटना कुटुंबीयांना सांगितली. यानंतर कुटुंबीयांसह युवतीने थेट उंब्रज पोलिस ठाण्यात धाव घेत तक्रार दाखल केली. पोलिसांनी या प्रकाराची तत्काळ दखल घेत संशयित आरोपीवर गुन्हा नोंदवून त्याला अटक केली.
Web Summary : A professor in Satara propositioned a student for sexual relations via social media. The shocking incident led to outrage. Police arrested the professor, Dhanaji Tanaji Sawant, after the student filed a complaint with her family at the Umbraj police station.
Web Summary : सतारा में एक प्रोफेसर ने सोशल मीडिया के माध्यम से एक छात्रा को यौन संबंध के लिए प्रपोज किया। चौंकाने वाली घटना से आक्रोश फैल गया। छात्रा द्वारा अपने परिवार के साथ उमराज पुलिस स्टेशन में शिकायत दर्ज कराने के बाद पुलिस ने प्रोफेसर धनाजी तानाजी सावंत को गिरफ्तार कर लिया।