Ratnagiri Crime : 'माझ्या पत्नीला भुताने उचलून नेऊन मारले,' असा कांगावा करून तो मी नव्हेच, असे भासवणाऱ्या पतीनेच तिचा खून केल्याचे पुराव्यात उघड झाले. या खुनाच्या आरोपाखाली परिस्थितीजन्य पुराव्यांवर विश्वास ठेवत न्यायालयाने गजानन जगन्नाथ भोवड (४५, रा. परुळे, सुतारवाडी, ता. राजापूर) याला जन्मठेपेची शिक्षा सुनावली.
गजानन भोवड याने २५ सप्टेंबर रोजी दुपारी २ वाजण्याच्या सुमारास पत्नी सिद्धी हिला 'तुला तुझ्या बहिणीकडे घेऊन जातो,' असे सांगून परुळे, सुतारवाडी येथील जंगलमय ठिकाणी नेले होते.
पत्नीची नाक आणि तोंड दाबून हत्या
त्यानंतर, त्याने तिचे नाक आणि तोंड हाताने दाबून ठार मारले व पुरावा नष्ट करण्याच्या उद्देशाने मृतदेह तेथील गवतात लपवून ठेवला होता. त्यानंतर, आरोपीने पोलिसांना पत्नीच्या मरणाबाबत खोटी खबर दिली होती.
त्याने आपल्या पत्नीला भुताने नेऊन मारल्याचा बनावही केला होता. त्याने पत्नीचा खून केल्याचा पोलिसांना संशय होता. त्यानुसार, भारतीय दंडविधान कलम ३०२, २०१ आणि १७७ नुसार दोषारोपपत्र दाखल करण्यात आले होते.
आरोपीला जन्मठेप
या खटल्यात डॉ. अजित गणपत पाटील, डॉ. विनोद चव्हाण, पंच सतीश शिंदे आणि मयत सिद्धीची बहीण सोनाली शिंदे यांच्या साक्षी महत्त्वपूर्ण ठरल्या.
सत्र न्यायाधीश ओ.एम. आंबाळकर यांच्या न्यायालयात वकिलांचा युक्तिवाद चालला. प्रत्यक्षदर्शी साक्षीदार नसतानाही, परिस्थितीजन्य पुराव्यांच्या आधारे आरोपीला दोषी ठरवून जन्मठेपेची शिक्षा सुनावली.
Web Summary : Husband in Ratnagiri sentenced to life for murdering his wife. He falsely claimed a ghost was responsible. Court convicted him based on circumstantial evidence.
Web Summary : रत्नागिरी में पत्नी की हत्या के जुर्म में पति को आजीवन कारावास। उसने झूठा दावा किया कि एक भूत जिम्मेदार था। अदालत ने परिस्थितिजन्य साक्ष्य के आधार पर उसे दोषी ठहराया।