पुणे : छळामुळे एका महिलेने अंगावर पेट्रोल ओतून आत्महत्या केल्याची घटना कात्रज भागात घडली. या प्रकरणी भारती विद्यापीठ पोलिसांनी सासऱ्यासह दिराविरोधात गुन्हा दाखल केला. याबाबत महिलेच्या बहिणीने भारती विद्यापीठ पोलिस ठाण्यात फिर्याद दिली आहे. फिर्यादीनुसार, सासरे हनुमंत काळे आणि दीर रतन (रा. वंडरसिटी सोसायटीजवळील झोपडपट्टी, कात्रज) यांच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, आरोपी सासरे आणि दीर महिलेचा छळ करत होते. लाकडे फोडण्याच्या कारणावरून तिला शिवीगाळ करण्यात आली होती. दि. ११ एप्रिल रोजी रात्री साडेआठच्या सुमारास अंगावर बाटलीत भरलेले पेट्रोल ओतले. पेट्रोल ओतून पेटवून घेतले. गंभीररीत्या भाजलेल्या महिलेला तातडीने रुग्णालयात दाखल करण्यात आले. उपचारादरम्यान तिचा मृत्यू झाला. या घटनेनंतर तिच्या बहिणीने मंगळवारी (दि. १४) पोलिसांकडे तक्रार दिली. सासरे आणि दिराच्या छळामुळे आत्महत्या केल्याचे फिर्यादीत म्हटले आहे. तपास सहायक पोलिस निरीक्षक गणेश मोहिते करत आहेत.
Web Summary : Pune: A woman in Katraj died after setting herself on fire due to alleged harassment by her father-in-law and brother-in-law. Police have registered a case based on the sister's complaint, alleging constant abuse that led to the suicide.
Web Summary : पुणे: कटराज में उत्पीड़न से तंग आकर एक महिला ने खुद को आग लगा ली, जिससे उसकी मौत हो गई। पुलिस ने ससुर और देवर के खिलाफ मामला दर्ज किया है। पीड़िता की बहन ने लगातार प्रताड़ना का आरोप लगाया है।