'आमची मोहीम अजून संपलेली नाही'; इराणला मोसादचा थेट इशारा, इस्रायली गुप्तचर संस्थेच्या विधानाने खळबळ

पुढील आठवड्यात संपणाऱ्या शस्त्रसंधीला मुदतवाढ देण्याच्या आणि अधिक कायमस्वरूपी शांतता करारावर पोहोचण्याच्या प्रयत्नांत असलेल्या अमेरिकन आणि इराणी अधिकाऱ्यांमधील तणाव मोसाद प्रमुखांच्या वक्तव्यामुळे आणखी वाढण्याची शक्यता आहे.

जगातील सर्वात घातक गुप्तचर संस्था मानल्या जाणाऱ्या मोसादचे प्रमुख डेव्हिड बार्निया यांनी इराणच्या ४७ वर्षे जुन्या धर्मगुरूंच्या राजवटीला  मुळापासून उखडून टाकण्याची शपथ घेतली आहे. "इराणची ही अतिरेकी राजवट जोपर्यंत संपुष्टात येत नाही, तोपर्यंत आमची जबाबदारी पूर्ण होणार नाही," असे खळबळजनक विधान बार्निया यांनी केले आहे.

चीनचा टँकर होर्मुझमधून बाहेर पडण्यासाठी निघाला, अमेरिकेच्या युद्धनौका पाहताच माघारी फिरला...

इस्रायलने आतापर्यंत इराणमध्ये अनेक गुप्त कारवाया केल्या आहेत, मात्र 'सत्तापालटाची' भाषा मोसादने कधीही उघडपणे केली नव्हती. गेल्या पाच आठवड्यांपासून सुरू असलेल्या अमेरिका-इस्रायलच्या हवाई हल्ल्यांनी इराणच्या लष्करी शक्तीचे कंबरडे मोडले असले, तरी मोसादच्या मते इराणचा धोका तेव्हाच संपेल जेव्हा तेथील सत्ता बदलेल.

इस्रायली लोक अजूनही इराणला एक मोठा धोका मानतात

मोसाद काय करू शकते यावर त्यांनी अधिक तपशील दिला नाही. जरी इस्रायल अनेक वर्षांपासून इराणमध्ये गुप्त कारवाया करत असला तरी, मोसादने सत्तापालटाची इच्छा आजपर्यंत कधी उघड बोलून दाखवली नव्हती. अमेरिका-इस्रायल युतीच्या जवळपास पाच आठवड्यांच्या मोहिमेने इराणच्या लष्करी क्षमतेचे मोठे नुकसान केले असले तरी, इस्रायली लोक अजूनही इराणला एक मोठा धोका मानतात, असे बार्निया यांच्या वक्तव्यांवरून दिसून येते. पंतप्रधान बेंजामिन नेतान्याहू म्हणाले की, या हवाई हल्ल्यांमुळे बॅलिस्टिक क्षेपणास्त्रे आणि अण्वस्त्रे हे दोन अस्तित्वाचे धोके संपुष्टात आले आहेत.

पुढील आठवड्यात संपणाऱ्या शस्त्रसंधीला मुदतवाढ देऊन अधिक शांतता करारावर पोहोचण्याचा प्रयत्न करत असलेल्या अमेरिकन आणि इराणी अधिकाऱ्यांमधील तणाव या भाषणामुळे आणखी वाढण्याची शक्यता आहे. बार्निया जूनमध्ये आपले पद सोडणार आहेत.