Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

लोकमत न्यूज नेटवर्कपुणे : जिल्हाधिकारी सुहास दिवसे यांच्याविरोधात छळवणुकीची तक्रार करणाऱ्या प्रशिक्षणार्थी आयएएस पूजा खेडकर नॉट रिचेबल आहेत. पुणे पोलिसांनी दोनवेळा समन्स देऊनही त्या आयुक्तालयात जबाब नोंदवण्यासाठी उपस्थित राहिल्या नाहीत. याबाबत पुणे पोलिसांनी त्यांना संपर्क करण्याचा प्रयत्न केला असता तो होऊ शकला नाही. पूजा खेडकरविरोधात दिल्लीत गुन्हा दाखल झाल्याने अटकेच्या भीतीने त्या नॉट रिचेबल असल्याची चर्चा पोलिस दलात आहे.प्रशिक्षणार्थी आयएएस अधिकारी पूजा खेडकर यांनी पुण्यात जिल्हाधिकारी कार्यालयात नियुक्ती असताना जिल्हाधिकारी सुहास दिवसे यांनी छळ केल्याची तक्रार मागील आठवड्यात वाशिम पोलिसांकडे केली होती. हा प्रकार पुण्यातील जिल्हाधिकारी कार्यालयातील असल्यामुळे ही तक्रार वाशिम पोलिसांनी पुणे पोलिसांकडे वर्ग केली. यानंतर पुणे पोलिसांनी पूजा खेडकर यांना दोन वेळा समन्स पाठवला होता. मात्र, दोन्ही समन्सनंतरही त्या अनुपस्थित राहिल्या. यानंतर पुणे पोलिसांनी संपर्क करण्याचा प्रयत्न केला. मात्र, तो होऊ शकला नाही. तसेच त्यांना व्हॉट्सॲपवरून केलेला मेसेज देखील पोहोचत नसल्याने, नेमक्या खेडकर आहेत कुठे? असा प्रश्नदेखील उपस्थित होत आहे.दिल्लीत गुन्हा दुसरीकडे पूजा खेडकर यांच्यावर युपीएससीच्या वतीने दिल्लीत फसवणुकीचा गुन्हा दाखल करण्यात आला आहे.  नोटीस बजावून कागदपत्रांच्या घोळाबाबत स्पष्टीकरणही मागितले आहे. उमेदवारी रद्द का करू नये, अशी विचारणा करत उमेदवारी रद्द करण्याबाबत नोटीस जारी केली आहे.

Pune (Marathi News)

हडपसर-सासवड रस्त्यावरील वडकी बाजारमळा गावात घरासमोर अंगणात थांबलेल्या ज्येष्ठ महिलेला कारने धडक दिली ...

दोन्ही पाय नसलेल्या व्यक्तीला अज्ञात स्थळी फेकताना डॉक्टरांना स्टिंग ऑपरेशन करून रंगेहाथ पकडण्यात आले ...

ससूनमध्ये निर्दयी डॉक्टरांनी पाय नसलेल्या रुग्णाला अज्ञात स्थळी फेकले असल्याचा धक्कादायक प्रकार समोर आलाय ...

याप्रकरणी फरासखाना पोलिसांनी एकाला अटक करण्यात आली असून, साथीदारांविरुद्ध गुन्हा दाखल करण्यात आला. ...