उत्तर प्रदेशच्या प्रशासनात खळबळ माजवणारे आयएएस अधिकारी रिंकू सिंह पुन्हा एकदा चर्चेत आले आहेत. सुरुवातीला त्यांच्या राजीनाम्याची चर्चा होती, पण आता त्यांनी तो मागे घेतल्याची चर्चा आहे. अनेक दिवसांच्या वादविवादानंतर, रिंकू सिंह यांनी अखेर आपला राजीनामा मागे घेतला आहे. हे प्रकरण उच्च स्तरावर असल्याने ते यावर अधिक भाष्य करणार नसल्याचे रिंकु सिंह यांनी सांगितले. रिंकू सिंह यांनी आपला राजीनामा मागे घेतल्याचे मान्य केले आहे.
चीन-पाकिस्तानची धडधड वाढली! होर्मुझची सामुद्रधुनीतून पुरवठा बंद; तेल आणि गॅससाठी दोन्ही देश अडचणीत
उत्तर प्रदेश केडरचे २०२३ बॅचचे आयएएस अधिकारी रिंकू सिंह राही यांनी २६ मार्च २०२६ रोजी राष्ट्रपतींना तांत्रिक राजीनामा सादर केला होता. त्या पत्रात, रिंकू सिंह यांनी प्रशासकीय व्यवस्थेवर गंभीर आरोप केले होते आणि आपल्याला काम करण्याची संधी दिली जात नसल्याचे म्हटले होते. रिंकू सिंह यांनी असा आरोप केला होता की, घटनात्मक व्यवस्थेच्या समांतर एक वेगळी व्यवस्था कार्यरत आहे. रिंकू सिंह सध्या महसूल परिषदेशी संबंधित आहेत.
३० मार्च रोजी रिंकू सिंह यांचा राजीनामा व्हायरल झाला होता. त्यांनी स्वतः माध्यमांना आपल्या राजीनाम्याची घोषणा केली होती. आता, रिंकू सिंह यांनी आपला राजीनामा मागे घेतला आहे. विशेष म्हणजे, रिंकू सिंह यांनी राजीनामा मागे घेतल्याची बातमी इतकी गोपनीय ठेवण्यात आली होती की, त्याबद्दल कोणालाही काही कळलेही नाही.
रिंकू सिंह यांचे प्रकरण उच्च स्तरावर असल्याची चर्चा सुरू आहे. लवकरच निर्णय घेतला जाईल. यानंतरच रिंकू सिंह यांच्या पुनर्नियुक्तीचा आदेश जारी केला जाईल. सध्या रिंकू सिंह महसूल मंडळाशी संबंधित असून ते सहदंडाधिकारी पदावर कार्यरत आहेत.
रिंकू सिंह यांनी राजीनामा का दिला होता?
जुलै २०२५ मध्ये रिंकू सिंह उत्तर प्रदेशातील शहाजहानपूर येथे संयुक्त दंडाधिकारी म्हणून कार्यरत होते. एका प्रकरणादरम्यान वकिलांसमोर 'उठा-बशा' काढल्याचा त्यांचा व्हिडीओ सोशल मीडियावर तुफान व्हायरल झाला होता. या घटनेनंतर सरकारने त्यांच्यावर कडक कारवाई करत त्यांना पदावरून हटवले आणि महसूल परिषदेत संलग्न केले.
आपल्या राजीनामा पत्रात रिंकू सिंह यांनी प्रशासकीय व्यवस्थेवर गंभीर प्रश्नचिन्ह उपस्थित केले. ते म्हणाले की, "मला वेळेवर पगार मिळत होता, पण जनतेची सेवा करण्याची कोणतीही संधी दिली जात नव्हती. मला महसूल परिषदेला संलग्न तर केले, पण हाताला कोणतेही अर्थपूर्ण काम दिले नाही." एका प्रामाणिक अधिकाऱ्यासाठी काम न करता केवळ पगार घेणे हे नैतिकदृष्ट्या चुकीचे असल्याचे त्यांनी नमूद केले.
रिंकू सिंह यांनी "नो वर्क, नो पे" या तत्त्वाचा हवाला देत आपला राजीनामा हा नैतिक मूल्यांसाठी असल्याचे स्पष्ट केले. त्यांनी व्यवस्थेवर घणाघाती टीका करताना म्हटले की, "आजच्या काळात घटनात्मक व्यवस्थेला समांतर अशी एक वेगळीच व्यवस्था कार्यरत आहे. मी चांगले काम करूनही केवळ सत्य मांडल्यामुळे मला मुख्य प्रवाहातून बाजूला सारण्यात आले.
Web Summary : IAS Rinku Singh withdrew his resignation after alleging administrative issues and lack of opportunity. He had accused the system of operating outside constitutional norms. His resignation followed a controversial incident where he punished lawyers. Reinstatement is pending a high-level decision.
Web Summary : IAS रिंकू सिंह ने प्रशासनिक मुद्दों और अवसर की कमी का आरोप लगाते हुए अपना इस्तीफा वापस ले लिया। उन्होंने सिस्टम पर संवैधानिक मानदंडों से बाहर काम करने का आरोप लगाया था। उनका इस्तीफा एक विवादास्पद घटना के बाद आया था जहाँ उन्होंने वकीलों को दंडित किया था। बहाली एक उच्च-स्तरीय निर्णय लंबित है।