Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

पाटोदा : कधी नव्हे इतकी भीषण दुष्काळी परिस्थिती येवला तालुक्यात निर्माण झाल्याने जनावरांच्या चा-याबरोबरच पाणी प्रश्नही ऐरणीवर आला आहे. चा-याचे भाव गगनाला भिडल्याने पशुधन सांभाळणेही जिकिरीचे बनले आहे. त्यामुळे नाईलाजास्तव चारा-पाण्याअभावी जीवापाड जपलेल्या जनावरांना बाजाराची वाट दाखवावी लागत असून त्यांची कवडीमोल भावात विक्र ी होत असल्याचे भयावह चित्र येवला येथील कृषी उत्पन्न बाजार समितीत भरणा-या जनावरांच्या आठवडे बाजारात पहावयास मिळत आहे.येवला तालुक्यातील आठवडे बाजारात जनावरे विक्र ीचा आलेख दिवसेंदिवस वाढतच आहे. आठवडे बाजारापेक्षाही जनावरांना कसायाच्या दावणीला बांधीत असल्याचेही भयानक स्थिती आहे. दुष्काळ आणि येवला तालुका हे समीकरणच झाले आहे. दुष्काळी परिस्थिती असल्याने चारा पाण्याआभावी दुभत्या जनावरांचे संगोपन करणे अवघड झाले आहे. येवला तालुक्यात आजमितीस ४७ गावे व २९ वाड्यांना टॅँकरने पिण्याचे पाणी पुरविले जात असून दररोज पाणी मागणा-या गावांची संख्या वाढतच आहे. जेथे माणसांनाच पिण्यासाठी पाणी उपलब्ध करणे अवघड बनले आहे, त्याठिकाणी जनावरे पोसणेही कठीण झाले आहे. त्यामुळे तालुक्यातील शेतकरी हवालिदल झाला आहे. सर्वच जनावरे वैरणी अभावी गुरांच्या बाजारात विक्र ीसाठी दररोज कवडीमोल किंमतीमध्ये विक्र ी होत आहेत. पावसाळ्यात सुरु वातीस थोड्याफार प्रमाणात पाऊस झाला. परंतु जनावरांना, माणसांना पिण्यासाठी पाण्याची कमतरता जाणवत आहे. जनावरांच्या चा-यासाठी शेतक-यांना रानोमाळ भटकंती करण्याची वेळ आली आहे. मात्र हाती कांहीच लागत नसल्याने येवला, कोपरगाव,लासलगाव आदि ठिकाणी भरणा-या जनावरांच्या आठवडी बाजारात मोठ्या प्रमाणात जनावरे विक्र ीसाठी दाखल होत आहेत.खरेदीदारांनीही फिरवली पाठयेवला येथे मंगळवारी भरणा-या आठवडे बाजारात गाय ,बैल,आदीची संख्या मोठी असते.त्यासोबत म्हशी,मेंढया,शेळ्याही मोठ्या प्रमाणात विक्र ीस येत असून दिवसेंदिवस बाजारात हि संख्या वाढू लागली आहे. मात्र कुणी खरेदीदार नसल्याने शेतकºयांना आपली जनावरे अत्यल्प किमतीत विकावी लागत आहे.

Nashik (Marathi News)

मागण्यांचे निवेदन : वसतिगृहातील तक्रारी ...

मदतीचा हात : विद्यार्थ्यांचा सांस्कृतिक कार्यक्रम ...

मोकभणगीत बैठक : शेतकऱ्यांचा आंदोलनाचा निर्धार ...

पेठ तंत्रनिकेतन : पायडल शिवाय चालवा सायकल ...

येवल्यातील भीषणता : चाऱ्याअभावी कवडीमोल भावाने विक्री ...