Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

याबाबत पोलीस नाईक पंढरीनाथ आहेर यांनी दिलेल्या फिर्यादीनुसार शिवाजी महाराज यांच्या जयंतीनिमित्ताने देवळाली कॅम्प पोलीस ठाणे हद्दीत कर्तव्यावर असताना संसरी येथील चारणवाडी येथे दोघा पोलिसांवर दगडफेक करून संशयित समाजकंटकांनी त्यांना जीवे ठार मारण्याची धमकी दिल्याचे फिर्यादीत म्हटले आहे. आहेर, साळुंखे यांच्या डोक्यास गंभीर मार लागला आहे. दोघांना उपचारासाठी देवळाली छावणी रुग्णालयात दाखल करण्यात आले. या समाजकंटकांना पांगविण्यासाठी पोलिसांना पुन्हा एकदा बळाचा वापर करत गर्दी पांगवावी लागली. या घटनेची गंभीर दखल घेत पोलीस उपायुक्त विजय खरात व सहायक पोलीस आयुक्त समीर शेख, वरिष्ठ पोलीस निरीक्षक सुभाष चंद्र देशमुख व सहायक पोलीस निरीक्षक राहुल मोरे सहायक पोलीस निरीक्षक प्रकाश गीते यांनी पोलीस बंदोबस्त तैनात केला होता. याप्रकरणी चारणवाडी येथून संशयित शंकर सुरेश देवकर, श्रावण माने, रोहित कुसमाडे, दीपक नलावडे यांना चौकशीसाठी ताब्यात घेण्यात आले असून उर्वरित नऊ संशयितांचा पोलिसांकडून शोध घेतला जात आहे. या गुन्ह्यात एकूण १४ संशयितांविरुध्द सरकारी कामात अडथळा आणणे, दंगल माजवून कायदा सुव्यवस्थेला धोका पोहोचविण्यासह विविध कलमांन्वये गुन्हा दाखल करण्यात आला आहे.---इन्फो--भगुरलाही हाणामारीची घटनाभगुर येथेही रात्री अकरा वाजेच्यादरम्यान गायकवाड गल्लीत सेल्फी काढताना धक्का लागल्याचा राग आल्याने दोन युवकांमध्ये वाद निर्माण झाला. एकाने धारधार वस्तू काढून दुसऱ्याच्या डोक्यावर मारली. या घटनेत एकाला गंभीर दुखापत झाली असून संशयिताने घटनास्थळावरून पळ काढल्याचे नागरिकांनी सांगितले. याप्रकरणी देवळाली कॅम्प पोलीस ठाण्यात कुठल्याही प्रकारची नोंद होऊ शकलेली नाही.

Nashik (Marathi News)