नाशिक निवडणूक निकाल : शिवसेनेचा बालेकिल्ला राष्ट्रवादीने राखला; सरोज आहिरेंची ३३ हजार मतांनी आघाडी

Nashik Vidhansabha Election 2019 प्रतीस्पर्धी योगेश घोलप यांना ३५ हजार मते मिळाली आहे. ३५ हजार ६६३ मतांनी आहिरे आघाडीवर आहे. मोजणीच्या अखेरच्या चार फे-या शिल्लक आहे.

ठळक मुद्दे३५ हजार ६६३ मतांनी आहिरे आघाडीवर आहे. घोलप यांना आव्हान देण्याची दाखविलेली जिद्द यशस्वी

नाशिक: शिवसेनेचा बालेकिल्ला अशी ओळख असलेल्या देवळाली मतदारसंघात जनतेने मोठे परिवर्तन घडविले आहे. राष्ट्रवादी  कॉँग्रेस पक्षाकडून उमेदवारी करणाऱ्या मनपाच्या नगरसेवक सरोज आहिरे यांच्या विजयाच्या घोषणेची औपचारिकता केवळ शिल्लक राहिली आहे. मतमोजणीच्या १५ फे-या पूर्ण झाल्या असून आहिरे यांना ७० हजार ६९० मते तर प्रतीस्पर्धी योगेश घोलप यांना ३५ हजार मते मिळाली आहे. ३५ हजार ६६३ मतांनी आहिरे आघाडीवर आहे. मोजणीच्या अखेरच्या चार फे-या शिल्लक आहे.या मतदारसंघात कोणत्याही पक्षाला वर्चस्व निर्माण करता आलेले नसल्याने माजी मंत्री बबनराव घोलप यांच्या कुटुंबीयांभोवतीच येथील राजकारण कायम फिरत राहिले. गेल्या तीस वर्षांपासून चर्चेच्या केंद्रस्थानी राहिलेल्या घोलप कुटुंबीयांसाठी यंंदाची निवडणूक मात्र अस्तित्वाची लढाई ठरणारी आहे. मतदारसंघातील पहिल्या महिला उमेदवार असलेल्या सरोज आहिरे यांनी घोलप यांना आव्हान देण्याची दाखविलेली जिद्द यशस्वी होताना दिसून येत आहे. अखेरच्या ४ फे-या शिल्लक असून ३५ हजारांपेक्षा अधिक मतांनी आहिरे आघाडीवर आहे.अनुसूचित जातीसाठी राखीव असलेल्या या मतदारसंघात घोलप यांना नेहमीच मतविभागणीचा फायदा झालेला आहे किंबहुना त्यांनी यापूर्वीच्या निवडणुकांमध्ये अनेकांना रिंगणात उतरवून तशी राजकीय खेळी यशस्वी करूनही दाखविलेली आहे.घोलप यांच्यासमोर उभे राहण्याचा चंग बांधलेल्या सरोज अहिरे यांनी युतीच्या घोषणेनंतर भाजपाला सोडचिठ्ठी देत राष्ट्रवादी कडून उमेदवारी मिळवून लक्ष वेधून घेतले आहे. अहिरे यांची उमेदवारी देवळालीतील समीकरण बदलवणारी ठरली. अर्थात घोलप यांच्या पारंपरिक मतदारसंघात मतदारांपर्यंत पोहोचणे आणि आपली भूमिका त्यांच्यात रुजविण्याचे मोठे आव्हान त्यांच्यापुढे होते मात्र ते त्यांनी लिलयापणे पेलल्याचे दिसून येते. बहुतांश ग्रामीण भाग या मतदारसंघाला जोडला असल्यामुळे त्यांची मतदारांपर्यंत पोहचण्यास दमछाक झाली असली तरी त्या मेहनतीचे फळ त्यांना जनतेकडून मिळाले आहे. लक्ष्मण मंडाले यांनाराष्ट्रवादीने उमेदवारी नाकारल्याने त्यांच्या मुलाच्या पारड्यात पडणारे मतदान अहिरे यांच्यासाठी धोक्याचे मानले जात होते; मात्र जनतेने समीकरण बिघडवू दिले नाही.सर्वसाधारण ते राखीव मतदारसंघ असा या मतदारसंघाचा प्रवास आहे. १९७४ पर्यंत नाशिक-देवळाली हा सर्वसाधारण मतदारसंघ होता. १९७८ मध्ये हा मतदारसंघ राखीव झाला आणि बाबुलाल अहिरे यांनी या मतदारसंघातून प्रतिनिधित्व केले. या मतदारसंघाने विधानसभा आणि लोकसभेतही शिवसेनेला भक्कम साथ दिली. नुकत्याच झालेल्या लोकसभा निवडणुकीत शिवसेनेच्या उमेदवाराला येथून ४२ हजार मतांची आघाडी मिळालेली आहे. बबनराव घोलप यांच्या रूपाने मतदारसंघाला मंत्रिपदही मिळाले.१९८५ मध्ये पुलोद आघाडीमध्ये या मतदारसंघातून भाजपाचे भिकचंद दोंदे यांनी प्रथमच कमळ फुलविले आहे. १९९० मध्ये युतीमध्ये हा मतदारसंघ शिवसेनेकडे गेला आणि शिवसेनेचे उत्तर महाराष्टÑातील पहिले आमदार म्हणून बबनराव घोलप निवडून आले.--* देवळाली मतदारसंघात नेहमीच बंडखोर आणि अपक्षांच्या मतविभागणीचा लाभ शिवसेनेला झालेला आहे. यंदा केवळ चारच अपक्ष आहेत तर वंचितच्या प्रभावाची चर्चा नसल्याने त्याचा फटका सेनेला बसण्याची शक्यता आहे.*घोलप यांच्याविरुद्ध यापूर्वी उमेदवारी करणारे तेच ते चेहरे पक्ष आलटून-पालटून उभे राहिले, त्याचा लाभ घोलप यांनाच होत गेला. अनुसूचित जातीसाठी राखीव असा हा मतदारसंघ असताना समाजाच्या राजकारणामुळे अन्य उमेदवारांना अपेक्षित मते मिळत नाहीत. यंदा सरोज अहिरे-घोलप यांची पारंपरिक मते खेचण्याची शक्यता आहे.मतदारसंघातील कळीचे मुद्दे* नासाका आणि एकलहरे प्रकल्पाचा प्रलंबिंत प्रश्न.* बेरोजगारी नष्ट करण्यासाठी रोजगाराची साधने निर्माण करण्यास अपयश.* ग्रामीण भागाला तीस वर्षांपासून शाश्वत विकासाची प्रतीक्षा.* पर्यटन, शिक्षण आणि उद्योग प्रकल्प नाही.* व्यक्तिकेंद्रित राजकारणाचा मुद्दा.