- दीपक भातुसे मुंबई : राज्यातील ३७ मतदारसंघांत शरद पवार गट विरुद्ध अजित पवार गटात सामना असून, या मतदारसंघांतील निकालाकडे विशेष लक्ष असेल. ३८ मतदारसंघांत भाजप विरुद्ध शरद पवार गट, असा मुकाबला होणार आहे. तर, ३४ मतदारसंघांत एकेकाळचे मित्र पक्ष असलेल्या भाजप विरुद्ध उद्धवसेनेत सामना आहे.
काँग्रेस आणि शिंदेसेनेत १९ ठिकाणी मुकाबला होणार आहे, तर शरद पवार गट विरुद्ध शिंदेसेनेत ९ ठिकाणी सामना आहे. अजित पवार गटाचा काँग्रेसविरोधात ७ ठिकाणी आणि उद्धवसेनेविरोधात ६ ठिकाणी सामना आहे. ७६ मतदारसंघांमध्ये भाजप विरुद्ध काँग्रेस असा सामना आहे. २८८ पैकी ११ मतदारसंघांत महायुती आणि महाविकास आघाडीचे मित्र पक्षाचे उमेदवार रिंगणात आहेत. यात मुंबईतील शिवडी मतदारसंघात महायुतीने मनसेला पाठिंबा दिला आहे, तर शिवाजीनगर-मानखुर्दमध्ये सपा, अजित पवार गट सामना असला, तरी इथे शिंदेसेनेचाही उमेदवार रिंगणात आहे.
अलिबागमध्ये मविआने शेकापच्या उमेदवार चित्रलेखा पाटील यांना पाठिंबा दिला असून, त्यांचा मुकाबला शिंदेसेनेचे महेंद्र दळवी यांच्याशी आहे, तर डहाणूमध्ये मविआने विनोद निकोले यांना पाठिंबा दिला असून, त्यांच्याविरोधात भाजपचे विनोद मेढा उभे आहेत. कळवणमध्येही माकपच्या जे. पी. गावितांना मविआने पाठिंबा दिला असून, त्यांच्याविरोधात अजित पवार गटाचे नितीन पवार रिंगणात आहेत. मावळमध्ये अजित पवार गटाच्या - सुनील शेळकेंविरोधात अपक्ष उमेदवार बापूसाहेब भेगडे असून, त्यांना मविआने पाठिंबा दिला आहे.
मालेगाव मध्य - एम आयएम, काँग्रेस, सपा असे तीन उमेदवार रिंगणात आहेत. मात्र, इथे महायुतीचा उमेदवार रिंगणात नाही. २०१९ च्या निवडणुकीत इथे भाजप उमेदवाराला अवघी १४५० मते पडली होती, त्यामुळे यावेळी इथे त्यांनी उमेदवारच उभा केला नाही, तर बडनेरात भाजपने रवी राणा यांना पुरस्कृत केले असून, त्यांच्याविरोधात उद्धवसेनेचे सुनील खराटे रिंगणात आहेत.
कोणत्या पक्षाविरोधात कोणता पक्ष रिंगणात ? काँग्रेस विरुद्ध भाजप (७६) : शहादा, नंदुरबार, धुळे ग्रामीण, रावेर, भुसावळ, मुलुंड, कांदिवली (पूर्व), चारकोप, मालाड (पश्चिम), अंधेरी (पश्चिम), वांंद्रे (पश्चिम), सायन कोळीवाडा, कुलाबा, नालासोपारा, वसई, भिवंडी (पश्चिम), मीरा-भाईंदर, शिवाजीनगर, पुणेे कॅन्टोन्मेंट, कसबा पेठ, कोल्हापूर (दक्षिण), सांगली, पलुस-कडेगाव, जत, कराड (दक्षिण), पंढरपूर, अक्कलकोट, सोलापूर शहर (मध्य), शिर्डी, चांदवड, लातूर ग्रामीण, लातूूर शहर, निलंगा, तुळजापूर, औरंगाबाद (पूर्व), फुलंब्री, मलकापूर, चिखली, खामगाव, जळगाव जामोद, भोकर, नायगाव, देगलुर, मुखेड, राळेगाव, यवतमाळ, आर्णी, उमरखेड, धामणगाव रेल्वे, तिवसा, मेळघाट, अचलपूर, मोर्शी, अकोट, अकोला (पश्चिम), देवळी, वर्धा, वरोरा, साकोली, सावनेर, उमरेड, नागपूर (दक्षिण पश्चिम), नागपूर (दक्षिण), नागपूर (उत्तर), नागपूर (पश्चिम), नागपूर (मध्य), कामठी, गोंदिया, आमगाव, आरमोरी, गडचिरोली, राजुरा, चंद्रपूर, बल्लारपूर, ब्रह्मपुरी, चिमूर, भाजप विरुद्ध शरद पवार गट (३८) : सिंदखेडा, जामनेर, घाटकोपर (पू), दौंड, विक्रमगड, मुरबाड, उल्हासनगर, बेलापूर, चिंचवड, भोसरी, खडकवासला, पर्वती, इचलकरंजी, शिराळा, कराड (उ), माण, माळशिरस, सोलापूर शहर (उ), शेवगाव, राहुरी, कर्जत-जामखेड, बागलाण, नाशिक (पू), आष्टी, केज, गंगापूर, जिंतूर, बदनापूर, भोकरदन, किनवट, करंजा, मूर्तिजापूर, हिंगणघाट, आर्वी, काटोल, हिंगणा, नागपूर (पू), तिरोडा शरद पवार गट विरुद्ध अजित पवार गट (३७) : अणुशक्ती नगर, श्रीवर्धन, चिपळूण, शहापूर, मुंब्रा-कळवा, जुन्नर, आंबेगाव, शिरूर, इंदापूर, बारामती, पिंपरी, वडगाव शेरी, हडपसर, चंदगड, कागल, माढा, इस्लामपूर, तासगाव-कवठेमहांकाळ, वाई, फलटण, मोहोळ, अकोले, कोपरगाव, पारनेर, अहमदनगर शहर, येवला, सिन्नर, दिंडोरी, माजलगाव, बीड, परळी, अहमदपूर, उदगीर, अहेरी, पुसद, तुमसर, अहेरी भाजप विरुद्ध उद्धवसेना (३४) : धुळे शहर, जळगाव शहर, चाळीसगाव, बोरिवली, दहिसर, गोरेगाव, वर्सोवा, विलेपार्ले, घाटकोपर (पश्चिम), कलिना (रिपाइं), वडाळा, मलबार हिल, पनवेल, उरण, पेण, कणकवली, कल्याण (पूर्व), डोंबिवली, ठाणे, ऐरोली, कोथरूड, मिरज, सातारा, सोलापूर (दक्षिण), श्रीगोंदा, नाशिक (मध्य), नाशिक (पश्चिम), औसा, गंंगाखेड, परतूर, हिंगोली, वणी, वाशिम, अकोला (पूर्व) काँग्रेस विरुद्ध शिंदेसेना (१९) : अक्कलकुवा, साक्री, चांदिवली, धारावी, मुंबादेवी, पुरंदर, करवीर, कोल्हापूर (उत्तर), हातकणंगले, शिरोळ, संगमनेर, श्रीरामपूर, जालना, हदगाव, नांंदेड (उत्तर), नांदेड (दक्षिण), दिग्रस, रिसोड, भंडारा शरद पवार गट विरुद्ध शिंदेसेना (९) : जळगाव ग्रामीण, मुक्ताईनगर, एरंडोल, खानापूर, कोरेगाव, करमाळा, परांडा, घनसावंगी, सिंदखेडराजा काँग्रेस विरुद्ध अजित पवार गट (७) : नवापूर, अमळनेर, भोर, इगतपुरी, अमरावती, अर्जुनी मोरगाव, पाथरी उद्धवसेना विरुद्ध अजित पवार गट (६) : वांद्रे (पूर्व), खेड-आळंदी, निफाड, देवळाली, गेवराई, लोहा