Latest Marathi News

पी़ कश्यपने गाशा गुंडाळलाविश्व बॅडमिंटन चॅम्पियनशिप : अरुण, अपर्णा दुसर्या फेरीत कोपेनहेगन : ग्लास्गो राष्ट्रकुल स्पर्धेत सुवर्णपदकाची कमाई करून देशाचे नाव उंचावणार्या भारताच्या पी़ कश्यपवर विश्व बॅडमिंटन चॅम्पियनशिपच्या पहिल्याच फेरीत गाशा गुंडाळण्याची नामुष्की ओढवली़ मिश्र दुहेरीत मात्र अरुण विष्णू आणि अपर्णा बाल यांनी स्पर्धेच्या दुसर्या फेरीत प्रवेश केला़ राष्ट्रकुल स्पर्धेत सुवर्ण मिळविणार्या कश्यपकडून या स्पर्धेतही विशेष कामगिरीची अपेक्षा होती; मात्र या अनुभवी खेळाडूला पुरुष एकेरीच्या पहिल्याच फेरीत जर्मनीच्या डिएटर डोम्के यांच्याकडून १ तास ७ मिनिटे रंगलेल्या लढतीत २६-२४, १३-२१, २१-१८ अशा फरकाने मात खावी लागली़ स्पर्धेतील मिश्र दुहेरी लढतीत मात्र भारताच्या अरुण विष्णू आणि अपर्णा बालन यांनी उत्कृष्ट खेळाचे प्रदर्शन करताना ब्राझीलच्या ह्युगो आर्थुगो आणि फाबियाना सिल्वा या जोडीवर अवघ्या २३ मिनिटांत २१-१९, २१-१४ अशा फरकाने विजय मिळवून स्पर्धेच्या पुढच्या फेरीत मजल मारली़या व्यतिरिक्त पुरुष दुहेरी लढतीत प्रणव चोपडा आणि अखर देवाळकर या भारतीय जोडीने हाँगकाँगच्या युन लुंग चान आणि चुन हेई या जोडीचा ५३ मिनिटांत २१-१९, १६-२१, २-२० असा फडशा पाडून स्पर्धेच्या दुसर्या फेरीत आपले स्थान निश्चित केले़ पुरुष एकेरीत गटातील सामन्यात जपानच्या केनिची तागो याने सामन्यातून माघार घेतल्यामुळे भारताच्या अजय जमयराम याला स्पर्धेच्या पुढच्या फेरीत प्रवेश मिळाला़ महिला दुहेरीत प्राजक्ता सावंत आणि आरती सुनील यांनी माघार घेतल्यामुळे थायलंडच्या पुत्ती सुपाजीराकुल सापसिरी आणि तिरातानचाई यांना बाय मिळाला़ (वृत्तसंस्था)

भारताची अव्वल भारोत्तोलक मीराबाई चानूने मंगळवारी कंबरेच्या दुखापतीतून सावरले असल्याचे म्हटले आहे; ...

न्यूझीलंडचा कर्णधार केन विलियम्सनने मंगळवारी म्हटले की, फायनलमध्ये कुणीच पराभूत झाले नाही.’ ...

भारतीय महिला क्रिकेट संघाची सलामीची फलंदाज स्मृती मानधना आपल्या खेळात आणखी सुधारणा करु इच्छिते. ...

यंदाच्या विश्वचषकातील बऱ्याच गोष्टी स्मरणात राहण्यासारख्या आहेत. ...

सरकारने जनरल प्रॉव्हिडंट फंडच्या (जीपीएफ) व्याजदरात कपात केली आहे. ...