Latest Marathi News

तामिळनाडू विधानसभा निवडणुकीच्या रणधुमाळीत एका प्रसिद्ध अभिनेत्रीलाच मतदानापासून वंचित ठेवण्याचा प्रयत्न झाल्याचा प्रकार समोर आला आहे. अभिनेत्री अक्षया हरिहरन जेव्हा चेन्नईच्या अड्यार येथील आपल्या मतदान केंद्रावर पोहोचली, तेव्हा तिचे मतदान आधीच झाल्याचे तिला सांगण्यात आले.अक्षयाला तिची वोटर स्लिप मिळाली नव्हती, त्यामुळे ऑनलाईन डिटेल्स तपासून ती अड्यार येथील बूथवर पोहोचली. तिथे गेल्यावर तिला समजले की तिच्या नावे कोणीतरी आधीच मतदान केले आहे. रेकॉर्डवरील सर्व डिटेल्स (नाव आणि पत्ता) अक्षयाशी जुळत होते, मात्र तिथे असलेल्या फोटोमध्ये एका २४ वर्षीय दुसऱ्याच महिलेचा फोटो होता. आश्चर्याची बाब म्हणजे, निवडणूक अधिकाऱ्यांनी त्या दुसऱ्या महिलेचे फिंगरप्रिंट घेऊन तिला मतदान करू दिले होते.'टेंडर बॅलेट'चा वापर आणि प्रक्रियेवर प्रश्नचिन्हकाही वकिलांशी संपर्क साधल्यानंतर, अक्षयाने तिचे कायदेशीर हक्क वापरत 'टेंडर बॅलेट पेपर' द्वारे मतदान केले. मात्र, या प्रक्रियेवरही तिने असमाधान व्यक्त केले आहे. अक्षयाने सुमारे एक तास मतदान केंद्रावर प्रश्नांची उत्तरे मिळवण्यासाठी वाट पाहिली, मात्र अधिकाऱ्यांकडे याबद्दल कोणतेही समाधानकारक उत्तर नव्हते."माझे मत एका साध्या कागदाच्या तुकड्यावर (बॅलेट पेपर) घेण्यात आले आणि ते माझ्यासमोर सील देखील केले गेले नाही. अशा गोष्टी का घडू दिल्या जातात? मी लवकरच या प्रकरणी आर.ओ. कार्यालयात अधिकृत तक्रार करणार आहे."— अक्षया हरिहरन, अभिनेत्रीतामिळनाडू निवडणूक २०२६तामिळनाडू विधानसभेसाठी २३ एप्रिल रोजी मतदान पार पडले. या निवडणुकीत रजनीकांत, सूर्या आणि कमल हासन यांसारख्या दिग्गज कलाकारांनीही मतदानाचा हक्क बजावला. मात्र, अक्षया हरिहरनसोबत घडलेल्या या प्रकारामुळे निवडणूक आयोगाच्या सुरक्षा आणि पडताळणी यंत्रणेवर प्रश्नचिन्ह उपस्थित केले जात आहे.

संभाषणातील गबरूसेठचा नामोल्लेख करीत आंदोलनात केला निषेध ...

Mallika Sherawat : मल्लिका शेरावत पुन्हा एकदा मोठ्या पडद्यावर परतण्यासाठी सज्ज झाली आहे. ...

शिवसेनेतील बंडखोर आमदारांची ईडीने चौकशी करावी अशी मागणी शिवसेना नेते चंद्रकांत खैरे यांनी केली आहे ...

"आम्हाला राष्ट्रवादी काँग्रेस आणि काँग्रेससोबत जायचं नाही. महाविकास आघाडीनं आपली नाटकं आता थांबवावीत" ...