Latest Marathi News

आम आदमी पार्टीने खासदार राघव चड्डा यांना हटवून अशोक मित्तल यांना राज्यसभेत उपनेता केले, त्यांच्याच मालमत्तांवर ईडी अर्थात सक्तवसुली संचालनालयाने धाडी टाकल्या आहेत. राज्यसभेचे खासदार असलेले अशोक मित्तल हे लवली प्रोफेशनल विद्यापीठाचे कुलपती देखील आहेत. ईडीच्या पथकांनी बुधवारी (१५ एप्रिल) एकाच वेळी गुरुग्राम, जालंधर आणि पंजाबमध्ये असलेल्या इतर ८ ते ९ ठिकाणांवर धाडी टाकल्या. लवली प्रोफेशनल विद्यापीठाच्या निधीमध्ये गैरव्यवहार आणि मनी लाँडरिंग प्रकरणाच्या तपासासंदर्भात या धाडी टाकण्यात आल्याची माहिती देण्यात आली आहे. पण, ही कारवाई राजकीय सूडातून सुरू असल्याची टीका विरोधकांकडून करण्यात येत आहे. राघव चड्डांना हटवले, मित्तल यांना बढतीअर्थसंकल्पीय अधिवेशनाच्या शेवटच्या दिवशी आम आदमी पार्टीने खासदार राघव चड्डा यांना राज्यसभा उपनेता पदावरून हटवले. त्यांच्या जागी अशोक मित्तल यांची नियुक्त करण्यात आली. हा बद्दल झाल्यानंतर ही कारवाई करण्यात आल्याने प्रश्न उपस्थित केले जात आहेत. ईडीच्या पथकाने खासदार अशोक मित्तल यांच्या पंजाबमधील घरीही धाड टाकली. जालंधरमध्ये असलेल्या लवली प्रोफेशनल विद्यापीठाचे ते मालक आहेत. विद्यापीठातही पथके गेली होती, अशीही माहिती समोर आली आहे. पंजाबच्या मुख्यमंत्र्यांचे टीकास्त्र ईडीच्या कारवाईवरून पंजाबचे मुख्यमंत्री भगवंत मान यांनी टीकास्त्र डागले. 'एक्स'वर पोस्ट करत ते म्हणाले की, "भारतीय जनता पार्टीने निवडणुकीची तयारी सुरू केली आहे. नेहमीची मोदी स्टाईल म्हणजे ही धाड आहे", असे म्हणत त्यांनी एक शेर पोस्ट केला आहे. "लेकिन हम वो पत्ते नहीं जो शाख से टूटकर गिर जाएं, आंधियों को कहो औकात में रहें", असे मुख्यमंत्री मान म्हणाले. खासदार अशोक मित्तल कोण आहेत?अशोक मित्तल यांचा राजकारणातील प्रवेश २०२२ मध्ये झाला. याच वर्षी ते राज्यसभेचे खासदार बनले. त्यांनी संसदेच्या अनेक समित्यांमध्ये काम केले आहे. विशेषतः संरक्षण आणि अर्थ समित्यांचे काम त्यांनी केले. भारतीय शिष्टमंडळाचा भाग म्हणून त्यांना परदेशातही पाठवण्यात आले होते. अशोक मित्तल यांच्या वडिलांनी बलदेव राज मित्तल यांनी १९६१ मध्ये ५०० रुपये कर्ज घेऊन जालंधर छावणी भागात एक मिठाईचे दुकान सुरू केले होते. १९८४ मध्ये अशोक मित्तल यांनी वडिलांच्या व्यवसायात पाऊल ठेवले. २००१ मध्ये त्यांनी फगवाडामध्ये ३.५ हेक्टर जमीन घेतली आणि महाविद्यालयाची स्थापना केली. २००५ मध्ये लवली महाविद्यालयाला अभिमत विद्यापीठाचा दर्जा मिळाला. आता तेच लवली प्रोफेशनल विद्यापीठ म्हणून ओळखले जाते.

केंद्र चालक आंबिटकर यांना कोणी भरीस पाडले ...

यमुनेच्या पाण्याची पातळी वाढत असल्याने दिल्लीकरांच्या अडचणीत वाढ होण्याची शक्यता आहे. ...

या एसयूव्हीची लांबी 4.3 मीटर असणार आहे. ...

मिल्खा सिंग यांची भूमिका साकारण्यासाठी फराहन अख्तरने प्रचंड मेहनत घेतली होती, पण... ...

अश्लील मजकूर प्रसारित केल्याप्रकरणी सायबर पोलिस ठाण्यात गुन्हा दाखल... ...

चंदगडसह कागलच्या राजकारणालाही कलाटणी मिळण्याची शक्यता ...

बीएसई पुढील वर्षी आपल्या स्थापनेची १५० वर्ष साजरे करणार आहे. ...

Rajya Sabha Election Candidates: गुजरातमधील उमेदवारांचा विजय पक्का, पश्चिम बंगालमध्ये भाजपला मोठी संधी. ...

सर्व जखमी प्रवाशांना छत्रपती संभाजीनगर येथील घाटी रुग्णालयात दाखल करण्यात आले ...