Latest Marathi News

Bitter Gourd Seeds : कारल्याची भाजी समोर आली की, खाण्याआधीच अनेकांच तोंड कडू होतं. पण कारलं चवीला कडू असलं तरी आरोग्यासाठी अत्यंत फायदेशीर असतं. डायबिटीसपासून पचनाच्या समस्यांपर्यंत अनेक कारणांसाठी लोक कारल्याचा आहारात समावेश करतात. मात्र कारलं चिरताना बहुतांश लोक त्याच्या बिया काढून टाकतात. काहींना वाटतं की, कारल्याच्या बिया खाणं नुकसानकारक असतं, तर काही लोक त्यांना आरोग्यासाठी फायदेशीर मानतात. मग खरंच कारल्याच्या बिया खाव्यात का? जाणून घेऊया यामागचं सत्य.कारल्याच्या बिया खाणं सुरक्षित आहे?एक्सपर्ट सांगतात की, मऊ आणि पांढऱ्या रंगाच्या कारल्याच्या बिया मर्यादित प्रमाणात खाता येतात. खासकरून ताज्या आणि कमी पिकलेल्या कारल्यातील बिया मऊ असतात आणि त्या भाजीसोबत शिजवून खाणं सुरक्षित मानल्या जातात. या बियांमध्ये फायबर आणि काही महत्त्वाचे पोषक घटकही असतात.जास्त पिकलेल्या बियांपासून सावध राहाकारलं खूप पिकल्यावर त्याच्या बिया लालसर आणि कडक होतात. अशा बिया खाणं टाळण्याचा सल्ला दिला जातो. कारण त्या पचायला जड ठरू शकतात आणि काही लोकांना पोटदुखी, गॅस किंवा अपचनाचा त्रास होऊ शकतो.कारल्याच्या बियांतील पोषक घटककारल्याच्या बियांमध्ये फायबर, अँटीऑक्सिडंट्स आणि हेल्दी फॅटी अॅसिड्स आढळतात. त्यामुळे काही लोक त्यांना आरोग्यासाठी फायदेशीर मानले जातात.फायबर पचन सुधारण्यास मदत करू शकतेजास्त वेळ पोट भरल्यासारखे वाटण्यास मदत होतेकाही संशोधनांनुसार सूज कमी करण्यास मदत होऊ शकतेब्लड शुगर नियंत्रणात ठेवण्यासाठीही उपयुक्त ठरू शकतातमात्र या विषयावर अजून अधिक संशोधनाची गरज असल्याचे तज्ज्ञ सांगतात.कोणत्या लोकांनी काळजी घ्यावी?लहान मुले, गर्भवती महिला आणि पचन कमजोर असलेल्या लोकांनी कारल्याच्या बिया काळजीपूर्वक खाव्यात. जास्त प्रमाणात सेवन केल्यास पोटदुखी, गॅस, जुलाब अशा समस्या होऊ शकतात. विशेषतः कडक आणि लालसर बिया असल्यास त्या काढून टाकणे चांगले मानले जाते.लोक सर्वात मोठी चूक काय करतात?अनेक लोक कारल्याच्या सर्व बिया न पाहताच फेकून देतात, तर काही लोक सर्व बिया आरोग्यदायी समजून खातात. खरं तर बियांची गुणवत्ता आणि प्रमाण दोन्ही महत्त्वाचे असतात. जर बिया पांढऱ्या, मऊ आणि लहान असतील तर त्या मर्यादित प्रमाणात खाल्ल्या जाऊ शकतात. पण लाल, कडक किंवा जास्त पिकलेल्या बिया काढून टाकणेच योग्य ठरते.

छगन भुजबळ यांच्या विधानाचा नेमका अर्थ काय? याची चर्चा आता राजकीय वर्तुळात रंगली आहे. ...

न्यूझीलंडच्या संघासाठी यंदाचा ट्वेंटी-२० विश्वचषक म्हणजे एक वाईट स्वप्नच. ...

जनसंवाद दाैऱ्यात शरद पवारांनी फुंकले रणशिंग. ...

पाठ्यपुस्तकात केवळ अयोध्या विवाद न लिहिता केवळ अयोध्या विषय लिहिल्याने इतिहास पुसला जात नाही. ...

Haris Rauf News : पाकिस्तानला साखळी फेरीतील चारपैकी दोन सामने गमवावे लागले. ...

वाचा, कसा असेल तुमचा आजचा दिवस? ...

निकालाबाबत तक्रार असलेले अनेक विद्यार्थी-पालक गेले दोन दिवस सीईटी-सेलच्या कार्यालयाच्या चकरा मारत आहेत. ...