IPL 2026 CSK vs LSG Urvil Patel Shared Emotional Note For Father : आयपीएल २०२६ स्पर्धेतील ५३ व्या सामन्यात उर्विल पटेलन स्फोटक फलंदाजीने अक्षरशः धुमाकूळ घातला. लखनौ सुपर जाएंट्स विरुद्धच्या सामन्यात त्याने अवघ्या १३ चेंडूंमध्ये अर्धशतक झळकावत IPL च्या इतिहासातील संयुक्तरित्या सर्वात जलद अर्धशतकाचा विक्रम आपल्या नावे केला. या विक्रमी खेळीनंतर उर्विलने आपल्या खिशातून एक चिठ्ठी काढली. त्या चिठ्ठीवर "बाबा, ही खास खेळी तुमच्यासाठी..." असा भावनिक संदेश लिहिला होता.
लखनौविरुद्धच्या सामन्यात उर्विल पटेल २३ चेंडूंमध्ये ६५ धावा करून बाद झाला. आपल्या या धडाकेबाज खेळीत त्याने ८ षटकार आणि २ चौकार लगावले. त्याच्या आक्रमक फलंदाजीचा अंदाज यावरूनच येतो की, पहिल्या ६ चेंडूंमध्येच त्याने ५ षटकार ठोकले होते. IPL मध्ये चेन्नई सुपर किंग्स हा सर्वात यशस्वी संघ आहे. पण १८० पेक्षा अधिक धावसंख्येचा पाठलाग करताना बऱ्याचदा ते अपयशी ठरले आहेत. पण यावेळी उर्विल पटेलनं विक्रमी खेळीसह CSK ची ही डोकेदुखी कमी करणारी शानदार खेळी केली.
