Latest Marathi News

लोकमत न्यूज नेटवर्कनागपूर : केंद्र सरकारच्या महत्त्वाकांक्षी ‘प्रधानमंत्री सूर्यघर-मुफ्त बिजली योजना’मुळे महावितरणच्या नागपूर परिमंडळात सौर क्रांती घडली आहे. नागपूर आणि वर्धा जिल्ह्यांचा समावेश असलेल्या या परिमंडळात १ लाख ७०८ ग्राहकांच्या घरांच्या छतांवर रूफ टॉप सोलर प्रकल्प उभारण्यात आले आहेत. यामुळे राज्यातील एकूण प्रकल्पांमध्ये या परिमंडळाचा सहभाग १७.७८ टक्क्यांवर पोहोचला आहे.या यशामध्ये नागपूर जिल्ह्याचे सर्वाधिक योगदान आहे. येथे ८२,६०१ ग्राहकांनी सौर ऊर्जेचा स्वीकार केला आहे. तर वर्धा जिल्ह्यातील १८,१०७ ग्राहकांनीही सौर ऊर्जेला पसंती दिली आहे. या १ लाख ७०८ सोलर रूफ टॉप प्रकल्पांची एकूण वीज निर्मिती क्षमता ३८२.६ मेगावॅटपर्यंत पोहोचली आहे. यामध्ये नागपूर जिल्ह्याची ३१७.८२ मेगावॅट तर वर्धा जिल्ह्याची ६४.७६ मेगावॅट इतकी हिस्सेदारी आहे.महाराष्ट्रात ५.६८ लाख ग्राहकमहाराष्ट्रात महावितरणच्या कार्यक्षेत्रात आतापर्यंत ५ लाख ६८ हजार २९३ ग्राहकांनी ‘प्रधानमंत्री सूर्यघर-मुफ्त बिजली योजना’चा लाभ घेत सोलर रूफ टॉप प्रकल्प बसवले आहेत. या प्रकल्पांची एकूण वीज निर्मिती क्षमता २१५१.६९ मेगावॅट झाली आहे. या योजनेंतर्गत लाभार्थ्यांना दरमहा ३०० युनिटपर्यंत मोफत वीज मिळत आहे.७८ हजारांपर्यंत अनुदानया योजनेतील लाभार्थ्यांना केंद्र सरकारकडून अनुदान दिले जात आहे. त्यानुसार १ किलोवॅट क्षमतेच्या सोलर रूफ टॉपसाठी ३० हजार रुपये, २ किलोवॅटसाठी ६० हजार रुपये आणि ३ किलोवॅटसाठी ७८ हजार रुपये अनुदान देण्यात येत आहे. प्रकल्पासाठी झालेला खर्च ३ ते ४ वर्षांत वसूल होतो. तसेच ‘नेट मीटरिंग’मुळे अतिरिक्त वीज निर्मितीतून उत्पन्नही मिळते. महावितरणकडून ही रक्कम वीज बिलामध्ये समायोजित केली जाते.

महाराष्ट्र साहित्य परिषद : कवी प्रशांत मोरेंनी गाजवली सायंकाळ ...

कवी, लेखकांबरोबर संवाद साधण्याची संधी विद्यार्थ्यांना मिळाली. कविता विद्यार्थ्यांसमोर सादर केली ...

आरोग्य विभाग : रत्नागिरीत एचआयव्हीबाधित बालकांची संख्या शुन्यावर--जागतिक एड्स दिन ...

एस. टी. प्रशासन : गेल्या दहा महिन्यात साडेएकतीस हजार रुपयांचा दंड वसूल ...

चौपदरीकरणाची मागणी : जिल्ह्यात घडलेल्या अपघातानंतर बोध घ्या ...