पश्चिम आशियातील युद्ध पुन्हा पेटण्याची चिन्हे दिसत आहेत. कारण अमेरिकेने शस्त्रसंधी उधळून लावत होर्मुझ सामुद्रधुनीमध्ये इराणच्या मालवाहू जहाजांनाच लक्ष्य केले. अमेरिकेने केलेल्या हल्ल्यात जहाजांवरील पाच जणांचा मृत्यू झाल्याचा दावा इराणच्या लष्कराने केला आहे. अमेरिकेने ज्या जहाजांना लक्ष्य केले, त्या युद्धनौका नव्हत्या तर मालवाहू जहाजे होती, असे आयआरजीसीने म्हटले आहे.
इराण-अमेरिका यांच्यात झालेल्या शस्त्रसंधीमुळे थांबलेला संघर्ष पुन्हा पेटू लागला आहे. अमेरिकेने होर्मुझ सामुद्रधुनी मार्गे आपली अडकलेली जहाजे बाहेर काढण्यासाठी मोहीम हाती घेतली आहे. अमेरिकेच्या लष्कराने दावा केला आहे की, दोन जहाजांना यशस्वीपणे बाहेर काढले आहे.
अमेरिकेच्या जहाजांवर इराणचा हल्ला
दरम्यान, इराणने असा दावा केला होता की, आयआरजीसीने अमेरिकेच्या युद्धनौकेवर हल्ला केला आहे. पण, अमेरिकेच्या सैन्याने हा दावा फेटाळून लावला आहे. अशा कोणत्याही प्रकारचा हल्ला अमेरिकन युद्धनौकेवर झालेला नाही. इराणचा दावा निराधार आहे.
संयुक्त अरब अमिरातीवर इराणचे मिसाईल हल्ले
संयुक्त अरब अमिरातीमध्ये इराणने हल्ले केले. यूएईच्या संरक्षण मंत्रालयाने सांगितले की, इराणकडून डागण्यात आलेल्या मिसाईल्स एअर डिफेन्स सिस्टिमने रोखल्या. १२ बॅलेस्टिक मिसाईल्स, ३ क्रूझ मिसाईल्स आणि ४ ड्रोन्स इराणकडून डागण्यात आले होते, असे यूएईने म्हटले आहे.
४ मे रोजी डागण्यात आलेल्या मिसाईल्स आणि ड्रोन्स रोखताना चार लोक जखमी झाले. युद्ध सुरू झाल्यापासून इराणकडून यूएईवर करण्यात आलेल्या हल्ल्यांपैकी ५४९ बॅलेस्टिक मिसाईल्स, २९ क्रूझ मिसाईल्स आणि २२६० ड्रोन्स हवेतच पाडण्यात आले आहेत. आतापर्यंतच्या हल्ल्यात २२७ लोक जखमी झाले असून, यात भारतीय नागरिकांचाही समावेश आहे.
Web Summary : Tensions rise as US targets Iranian ships in Hormuz Strait, allegedly killing five. Iran claims US struck cargo ships, not warships. UAE reports intercepting missiles and drones fired by Iran, injuring several.
Web Summary : होर्मुज जलडमरूमध्य में अमेरिकी हमलों से तनाव बढ़ा, कथित तौर पर पांच की मौत। ईरान का दावा है कि अमेरिका ने मालवाहक जहाजों पर हमला किया, युद्धपोतों पर नहीं। यूएई ने ईरान द्वारा दागी गई मिसाइलों और ड्रोन को रोकने की सूचना दी, कई घायल।