CoronaVirus Marathi news America will give 60 lakhs dollars to Pakistan for fight corona hrb | CoronaVirus कंगाल पाकिस्तानला कोरोना पावला; 'या' देशाकडून लाखो डॉलरची मदत

CoronaVirus कंगाल पाकिस्तानला कोरोना पावला; 'या' देशाकडून लाखो डॉलरची मदत

इस्लामाबाद : पाकिस्तानमध्ये कोरोनाने कहर सुरु केला आहे. त्यातच दहशतवाद्यांना पोसणाऱ्या या देशाकडे दमडीही नसल्याने आधीच दिवाळखोरीत निघालेल्या पाकिस्तानकडून जगभरात मदतीची याचना केली जात होती. हालत एवढी खराब की भारताचा बळकावलेला भाग चीनला धरण बांधण्यासाठी देण्यापर्यंत या देशाची मजल गेली होती. अखेर अमेरिका पाकिस्तानच्या मदतीला धावून आली आहे. 


आर्थिकदृष्ट्या कंगाल झालेल्या पाकिस्तानसला मदत करण्य़ासाठी पंतप्रधान इम्रान खान यांनी जगभरातील जळपास सर्वच देशांसमोर हात पसरले होते. जागतिक बँकेसह अनेकांनी पाकिस्तानला पैसे देण्यास चालढकल केली होती. तर चीनचे अब्जावधी डॉलरचे कर्ज पाकिस्तान आधीच दहशतवादावर उधळून बसला होता. अमेरिकेनेही मदत गेल्या वर्षीपासून थांबविली होती. मात्र, कोरोनामुळे अमेरिकेने मदत करण्याचा निर्णय घेतला आहे. 


पाकिस्तानमधील अमेरिकी राजदूत पॉल जोन्स यांनी शनिवारी एका व्हिडीओ संदेशामध्ये सांगितले की, अमेरिका पाकिस्तानला ६० लाख डॉलरची मदत देऊ करत आहे. ही रक्कम कोरोनाशी कोणतेही संरक्षण नसताना लढणाऱ्या आरोग्य सेवकांना प्रशिक्षण देण्यासाठी वापरण्यात येऊ शकते. यामुळे हॉस्पिटलमध्ये कोरोना व्हायरस पसरण्यापासून रोखता येऊ शकते. 


पॉल जोन्स यांनी सांगितले की, संक्रमित भागांमध्ये राहणाऱ्या पाकिस्तानी नागरिकांसाठी मोबाईल प्रयोगशाळा बनविण्य़ात येणार आहेत. ईद-उल-फित्रच्या शुभेच्छा देत रमजानचा महिना पूर्ण झाल्याच्या पाकिस्तानला शुभेच्छा देत आहे. 


महत्वाचे म्हणजे अमेरिकेला पाकिस्तानने काही आरोग्यविषयक साहित्य पाठविले होते. यामुळे अमेरिकेने त्यांचे आभार व्य़क्त केले होते. पाकिस्तानी आरोग्य मंत्रालयानुसार सिंधमध्ये 21,645, पंजाबमध्ये 19,557, खैबर-पख्तूनख्वामध्ये 7,685, बलुचिस्तानमध्ये 3,306 कोरोनाचे रुग्ण सापडले आहेत. तर एकूण १७१९८ रुग्णांना घरी सोडण्यात आले आहे. 

 

अन्य महत्वाच्या बातम्या...

भन्नाट! सहा कॅमेऱ्यांचा Redmi K30i 5G लाँच; किंमतही आवाक्यात

व्वा भाई व्वा! भावाने न सांगताच UPSC चा फॉर्म भरला; बहीण आयएएस झाली

CoronaVirus कोरोनामुळे जग बुडाले पण फेसबुकद्वारे जोडणारा झकरबर्ग मालामाल झाला

CoronaVirus अडेलतट्टू चीन नरमला; तातडीने कोरोना जन्माच्या तपासाला तयार झाला

चीनला हादरा! इकडे भारतावर दादागिरीचे प्रयत्न; तिकडे हाँगकाँग निसटण्याच्या बेतात

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: CoronaVirus Marathi news America will give 60 lakhs dollars to Pakistan for fight corona hrb

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.