Health Weight Tips In marathi : Weight loss tips how to lose weight faster | घरी बसून वाढलेला कमरेचा आणि  पोटाचा घेर झटपट होईल कमी; फक्त 'हे' ४ उपाय वापरा

घरी बसून वाढलेला कमरेचा आणि  पोटाचा घेर झटपट होईल कमी; फक्त 'हे' ४ उपाय वापरा

दैनंदिन जीवनात वजन वाढण्याची समस्या अनेकांना उद्भवते. यावर्षी कोरोनाच्या माहामारीमुळे लॉकडाऊन झाल्याने २ ते ३ महिने घरी बसून राहिल्यानं अनेकांना वजन वाढण्याची समस्या उद्भवत आहे. वजन  जास्त प्रमाणात वाढले नसेल तरी कमरेचा भाग, पोट, दंड या अवयवांमध्ये फॅट्स वाढतात आणि शरीराचा आकार बेढब दिसतो.  आज आम्ही तुम्हाला घरबसल्या वजन कमी करण्याचे सोपा उपाय सांगणार आहोत. सध्या जीमसुद्धा पूर्णपणे उघडेल्या नाहीत. जीम सुरू झाल्यातरी अनेकजण जीमला जाण टाळतील कारण कोरोना संसर्गाची भीती अनेकांच्या मनात अजूनही आहे. 

जास्तीत जास्त पाणी प्या

शरीराला पाण्याची खूप गरज असते. पाण्याच्या कमतरतेमुळे शरीर डिहायड्रेट होतं. जास्त पाणी प्यायल्यामुळे त्वचा चांगली  राहते.  दिवसभरातून आठ ते दहा ग्लास पाणी प्या. त्यामुळे पोटावरची चरबी कमी करता येते.  अतिरिक्त फॅट्स बर्न करण्यासाठी पाणी पिणं फायदेशीर ठरेल.

जास्त गोड खाऊ नका

लॉकडाऊनमध्ये घरी असल्यामुळे उर्जेचा वापर फारसा केला जात नाही. म्हणून जास्त कॅलरीज असलेले गोड पदार्थ खाणं टाळा.  काहीजण गोड पदार्थ आवडतात. म्हणून प्रमाणाचा काहीच विचार न करता नेहमीच आणि खूप प्रमाणात खातात. परंतु गोड पदार्थ पौष्टिक असले तरी, पचायला जड असतात आणि पचनशक्तीवर विशेष ताण देणारे असतात.

त्यामुळे  गोड पदार्थ योग्य प्रमाणात खाल्ले तरच उपयोगी पडतात अन्यथा नुकसान देतात. प्रमाणाबाहेर गोड पदार्थ खाल्ल्यानं वजन खूप वाढतं. शरीरात अवास्तव प्रमाणात मेद किंवा चरबी निर्माण होते. लवकर थकवा येणं, अतिप्रमाणात घाम येणं, मेदाचे इतर आजार जसे की मधुमेह, विविध प्रकारच्या गाठी निर्माण होण्याची शक्यता वाढते.

थोड्या थोड्या वेळानं खा

वजन कमी करण्यासाठी आहारावर नियंत्रण ठेवणं गरजेचं आहे. जेव्हाही तुम्हाला भूक लागेल तेव्हा एकाचवेळी जास्त न खाता थोड्या थोड्या वेळाने खात राहा.  जर तुमचे वजन कमी होत नसेल तर तुमच्या झोपेच्या वेळा चुकीच्या असू शकतात.जर तुम्ही सकाळी उशीरा उठत असाल तर, वजन कमी होण्यास अडथळा निर्माण होऊ शकतो. त्यामुळे रात्री लवकर झोपून सकाळी लवकर उठायला हवं.

व्यायाम करा

व्यायाम केल्यानंतर पुरेशी झोप घेणं सुद्धा आवश्यक असतं. लॉकडाऊनमुळे तुम्ही शरीराला आराम सद्धा देऊ शकता. सकाळी लवकर उठून गरम पाणी प्या. आणि नाश्ता करताना शरीरास पौष्टिक असणारे पदार्थ खाण्याचा प्रयत्न करा. आणि व्यायाम न चुकता दररोज करा. रोज स्वतःसाठी २० ते ३० मिनिटं वेळ देऊन तुम्ही शरीर निरोगी ठेवू शकता. 

हे पण वाचा

लढ्याला यश! कोरोनाला नष्ट करण्यासाठी 'चमत्कारीक लस' तयार; 'या' देशातील तज्ज्ञांचा दावा

युद्ध जिंकणार! कोरोनाचं नवीन औषध 'एविप्टाडील' आलं; फक्त ४ दिवसात प्रभावी ठरणार, तज्ज्ञांचा दावा

CoronaVaccine : सीरम इन्स्टिट्यूटसोबत बिल गेट्स यांचा मोठा करार; 10 कोटी डोस गरिबांना देणार

मोठा दिलासा! सीरम इन्स्टिट्यूटनं जाहीर केली लसीची किंमत, फक्त २२५ रुपयांत मिळणार कोरोना लस

वाचकहो, 'लोकमत'ला टेलिग्रामवर फॉलो करताय ना?... अजून जॉईन केलं नसेल तर क्लिक करा ( @LokmatNews ) आणि मिळवा महत्त्वाचे अपडेट्स अन् ताज्या बातम्या!

Web Title: Health Weight Tips In marathi : Weight loss tips how to lose weight faster

Get Latest Marathi News , Maharashtra News and Live Marathi News Headlines from Politics, Sports, Entertainment, Business and hyperlocal news from all cities of Maharashtra.