झारखंडच्या गिरिडीह जिल्ह्यातून एक खळबळजनक घटना समोर आली आहे, ज्यामुळे परिसरात दहशतीचं वातावरण पसरलं आहे. धनवार बाजारपेठेत भरदिवसा सहा दरोडेखोरांनी बनावट जीएसटी (GST) अधिकारी बनून एका ज्वेलरी शॉपला टार्गेट केलं. आरोपींनी स्वतःची ओळख अधिकारी म्हणून करून दिली आणि दुकानात घुसून २० लाख रुपयांहून अधिक किमतीचे सोन्या-चांदीचे दागिने लुटून पळ काढला.
मिळालेल्या माहितीनुसार, दरोडेखोर कारमधून आले होते. त्यापैकी एक जण पोलिसांच्या गणवेशात होता, तर दुसरा अधिकारी बनून आला होता. या गुन्हेगारांनी बंगाली कारागिरांकडून कागदपत्रं तपासण्याच्या बहाण्याने कपाटं उघडायला लावली आणि त्यात ठेवलेले मौल्यवान दागिने आपल्या पिशव्यांमध्ये भरले. ही संपूर्ण घटना अवघ्या १५ मिनिटांत पार पडली.
बनावट जीएसटी अधिकारी असल्याचं उघड
दागिने लुटल्यानंतर आरोपींनी मुख्य कारागीर होरिहर साव यांनाही आपल्यासोबत गाडीत बसवून नेलं. मात्र देवघर जिल्ह्यातील देवीपूर येथे त्यांना कारमधून उतरवून दरोडेखोर पसार झाले. कारागिराला सोडून दिल्यानंतर हे सर्वजण बनावट जीएसटी अधिकारी असल्याचं उघड झालं. त्यानंतर तातडीने धनवार पोलीस ठाण्याला याची माहिती देण्यात आली.
CCTV मध्ये कैद झाले चेहरे
ही संपूर्ण घटना दुकानात आणि परिसरात लावलेल्या सीसीटीव्ही (CCTV) कॅमेऱ्यात कैद झाली आहे. सीसीटीव्ही फुटेजमध्ये आरोपींच्या हालचाली आणि त्यांचे चेहरे स्पष्ट दिसत आहेत, ज्यामुळे पोलिसांना तपासात मोठी मदत मिळत आहे. धनवार पोलीस घटनास्थळी दाखल झाले असून सीसीटीव्ही फुटेजच्या आधारे आरोपींची ओळख पटवून त्यांचा शोध घेण्याचं काम सुरू आहे.
Web Summary : In Jharkhand, six robbers posing as GST officers targeted a jewelry shop, stealing over ₹20 lakh worth of gold and silver in 15 minutes. They left a kidnapped artisan, later released, revealing the fraud. CCTV footage aids police investigation.
Web Summary : झारखंड में, GST अधिकारी बनकर छह लुटेरों ने एक ज्वैलरी शॉप को निशाना बनाया और 15 मिनट में ₹20 लाख से अधिक के सोने-चांदी के गहने चुरा लिए। उन्होंने एक अपहृत कारीगर को छोड़ दिया, जिससे धोखाधड़ी का पता चला। सीसीटीवी फुटेज से पुलिस को जांच में मदद मिल रही है।