Twisha Sharma : Video - "माझी मुलगी शूर होती, सासरचे..."; ट्विशाच्या आईचा काळीज पिळवटून टाकणारा आक्रोश

Twisha Sharma : ट्विशाच्या आईने दिलेल्या माहितीनुसार, मुलीच्या मृत्यूनंतरही तिच्या पतीचा फोन आला नाही.

भोपाळमधील ट्विशा शर्मा आत्महत्या प्रकरण सध्या चर्चेत आहे. ट्विशाच्या कुटुंबीयांनी हुंड्यासाठी हत्या केल्याचा आरोप केला आहे. ट्विशा मूळची नोएडाची राहणारी होती आणि तिचं डिसेंबर २०२५ मध्ये भोपाळच्या समर्थ सिंहसोबत लग्न झालं होतं. ट्विशाने १२ मेच्या रात्री गळफास घेऊन आत्महत्या केली. तिच्या मृत्यूनंतर तिच्या कुटुंबीयांची अवस्था अत्यंत वाईट झाली आहे.

ट्विशाच्या आईने दिलेल्या माहितीनुसार, मुलीच्या मृत्यूनंतरही तिच्या पतीचा फोन आला नाही. ट्विशाचा ज्या दिवशी मृत्यू झाला, त्याच रात्री तो फक्त ५ मिनिटांसाठी रुग्णालयात आला होता. साधारण रात्री १२ ते १ च्या दरम्यान आला आणि थोड्याच वेळात निघून गेला." त्यांनी पुढे आरोप केला की, "माझ्या मुलीला तिचे सासू-सासरे त्रास देत होते. सासू प्रत्येक गोष्टीवरुन तिला बोलायची."

 "हे लोक खूप घाणेरडे, निर्दयी, माझ्या पोटात कोणाचं मूल..."; ट्विशाचं आईसोबत शेवटचं चॅट

"माझी मुलगी खूप शूर होती"

ट्विशाच्या आईने 'पीटीआय' (PTI) शी बोलताना सांगितलं की, "माझी मुलगी खूप शूर होती. ती खूप चांगली मुलगी होती. हे सासरचे लोक तिच्यावर खोटे आरोप करत आहेत." ट्विशा आणि समर्थ यांचं लग्न डिसेंबर २०२५ मध्ये झालं होतं. त्या दोघांची ओळख 'शादी डॉट कॉम'वर झाली होती. ट्विशा नोएडाची राहणारी होती, तर समर्थ भोपाळचा रहिवासी आहे.

VIDEO | Bhopal: In the Twisha Sharma death case, her mother said, "My daughter was very brave. She was a very good girl. These people are putting false allegations on her and asking me unnecessary questions."

(Full video available on PTI Videos - https://t.co/n147TvrpG7) pic.twitter.com/GZFFES9QkM

— Press Trust of India (@PTI_News) May 18, 2026

"दीपिकाच्या शरीरावर जखमांच्या खुणा, हुंड्यासाठी केली हत्या"; काकांचा खळबळजनक दावा

हुंड्यासाठी ट्विशाचा छळ

ट्विशाचे वडील नवनिधी शर्मा यांनी सांगितलं की, लग्नानंतर काही काळापर्यंत सर्व काही ठीक होतं, पण नंतर सासरच्या लोकांनी हुंड्यासाठी ट्विशाचा छळ करण्यास सुरुवात केली. १२ मेच्या रात्री १० वाजता ट्विशाने तिच्या आईला फोन केला होता आणि सांगितलं होतं की, "माझा खूप छळ केला जात आहे, मी आता हे आणखी सहन करू शकत नाही."

सुनेच्या टोमण्याने घेतला सासू-सासऱ्यांचा बळी; मॉडर्न कपड्यांवरुन वाद, लग्नानंतर कुटुंब उद्ध्वस्त

यानंतर काही वेळातच ट्विशाची सासू गिरीबाला सिंह यांनी तिच्या आईला फोन करून सांगितलं की, "आम्ही ट्विशाला एम्स (AIIMS) मध्ये घेऊन जात आहोत, ती श्वास घेत नाही." याच रात्री तिने गळफास घेऊन आत्महत्या केली होती. शवविच्छेदन अहवालात तिचा मृत्यू गळफास घेतल्यानेच झाल्याचं स्पष्ट झालं आहे. तसेच तिच्या शरीरावर जखमांच्या अनेक खुणाही आढळल्या आहेत.