ट्विटरवर हिमालयातील एका साधूचा व्हिडीओ सध्या सोशल मीडियात व्हायरल झाला आहे. यात एक साधू बर्फाच्या डोंगरात ध्यानसाधना करताना दिसत आहे. आश्चर्याची बाब म्हणजे या साधूच्या अंगावर एकही कपडा नाही. तर त्याच्यासोबत एका डॉगी आहे. हा व्हिडीओ हिमालयात -४५ डिग्री तापमानात एका जवानाने रेकॉर्ड केल्याचं याला कॅप्शन देण्यात आलय.
गोठवणाऱ्या थंडीतील साधूचा हा व्हिडीओ व्हायरल झाला असून लोक हा व्हिडीओ पाहून हैराण झाले आहेत. अनेकांनी हा व्हिडीओ शेअर केला आहे. मात्र, आजूबाजूला दिसणारा बर्फ पाहून हे नक्की की, तिथे तापमान कमीत कमी असेल.
दुसऱ्या एका व्हिडीओत साधू डोंगराहून खाली कोलांटउड्या मारत उतरत आहे. त्याचा कुत्राही त्याच्यासोबत आहे. हा हिमालयातील व्हिडीओ व्हायरल झाल्यावर लोक इतरही काही साधूंचे व्हिडीओ सोशल मीडियात शेअर करत आहेत. एका दुसऱ्या व्हिडीओत साधू बर्फाने पाण्याने केस धुतांना दिसत आहे.
इतक्या थंडीत हे साधू हे करत आहेत किंवा ज्याप्रकारे ते राहू शकतात त्याला लोक साधनेचा परिणाम सांगत आहेत. काहीही असो पण या लोकांची सहनशक्ती कमालीची असते.