पाकिस्तानच्या बलुचिस्तान प्रांतात सक्रिय असलेल्या बलुच लिबरेशन आर्मी (BLA) या बंडखोर गटाने आता लष्करी ताकद वाढवत स्वतःच्या नौदलाची स्थापना केली आहे. 'हम्मल मेरिटाइम डिफेन्स फोर्स' असे या नौदलाचे नाव असून, त्यांनी ग्वादरच्या जिवानी परिसरात पाकिस्तानी नौदलाच्या जहाजावर पहिला यशस्वी हल्ला केल्याचा खळबळजनक दावा केला आहे.
बीएलए ही संघटना बलुचिस्तानच्या स्वातंत्र्यासाठी लढत असून ती पाकिस्तान सरकारला 'अतिक्रमणकारी' मानते. आतापर्यंत केवळ जमिनीवर हल्ले करणाऱ्या या संघटनेने आता सागरी क्षेत्रातही पाऊल ठेवल्याने पाकिस्तानच्या सामरिक सुरक्षेला, विशेषतः चीनच्या मदतीने विकसित होत असलेल्या ग्वादर बंदराला मोठा धोका निर्माण झाला आहे.
कारवाया सुरूच राहणार
या बंडखोर संघटनेने अशा कारवाया सुरूच ठेवणार असल्याचे म्हटले आहे. बलुचिस्तान लिबरेशन आर्मी पाकिस्तानी सरकार आणि त्यांच्या सैन्याला 'ताब्यात घेणारे' म्हणते. जेव्हा त्यांचा प्रांत एक स्वतंत्र किंवा स्वायत्त देश असायला हवा होता, तेव्हा पाकिस्तानने त्यावर बेकायदेशीरपणे कब्जा केला आहे. नौदल हल्ल्यात पाकिस्तानी लष्करी जहाजावरील तीन सैनिक ठार झाले, असा दावा बीएलएने केला आहे. बीएलएने त्यांची नावेही जाहीर केली आहेत. बीएलएच्या मते, ठार झालेल्या पाकिस्तानी सैनिकांमध्ये नाईक अफझल, शिपाई जमील आणि शिपाई उमर यांचा समावेश आहे.
यशस्वी कारवाईनंतर आपले सैनिक आपापल्या तळांवर परतले आहेत, असे बीएलएने म्हटले आहे. ही कारवाई त्यांच्यासाठी महत्त्वपूर्ण असल्याचे बीएलएने म्हटले आहे. 'आम्ही पहिल्यांदाच असा प्रयत्न केला आहे आणि त्यात आम्हाला यश आले आहे," असे त्यांनी सांगितले. गेल्या काही वर्षांत पाकिस्तानात बलुचिस्तान लिबरेशन आर्मीचे हल्ले झपाट्याने वाढले आहेत.
Web Summary : Balochistan Liberation Army (BLA) formed a navy, 'Hammal Maritime Defence Force,' and claimed an attack on a Pakistani naval ship near Gwadar, killing three soldiers. The BLA seeks Balochistan's independence and threatens Pakistan's strategic interests.
Web Summary : बलूचिस्तान लिबरेशन आर्मी (बीएलए) ने एक नौसेना, 'हम्माल मैरीटाइम डिफेंस फोर्स' का गठन किया और ग्वादर के पास एक पाकिस्तानी नौसेना जहाज पर हमला करने का दावा किया, जिसमें तीन सैनिक मारे गए। बीएलए बलूचिस्तान की स्वतंत्रता चाहता है और पाकिस्तान के सामरिक हितों को खतरे में डालता है।