सातारा : आई-वडिलांची सततची भांडणे व वडील सतत दारू पीत असल्याच्या कारणातून मुलीने गळफास घेऊन आपले आयुष्य संपविले. ही धक्कादायक घटना फलटण येथे दि. ३१ रोजी सकाळी अकराच्या सुमारास उघडकीस आली.
आचल लखन पवार (वय १८, रा. सोमवार पेठ, फलटण), असे आत्महत्या केलेल्या तरुणीचे नाव आहे. याबाबत फलटण शहर पोलिसांनी दिलेली माहिती अशी की, आचल पवार हिचे आई-वडील सतत भांडण करत होते. तसेच वडील सतत दारू पीत होते.
मानसिक त्रास सहन न झाल्याने आचल हिने राहत्या घरात लोखंडी अँगलला ओढणीने गळफास घेतला. हा प्रकार लक्षात आल्यानंतर तिच्या वडिलांनी तिचा गळफास सोडवून तातडीने तिला फलटण येथील शासकीय रुग्णालयात दाखल केले.
परंतु तिची प्रकृती चिंताजनक बनल्याने तिला बारामती येथील एका खासगी दवाखान्यात दाखल केले. मात्र, दि. ३१ रोजी पहाटे चार वाजता उपचारादरम्यान तिचा मृत्यू झाला. या घटनेची फलटण शहर पोलिस ठाण्यात नोंद झाली असून, हवालदार रणवरे हे अधिक तपास करीत आहेत.
Web Summary : In Falton, a distressed 18-year-old girl ended her life due to constant parental disputes and her father's alcoholism. She was found hanging and died during treatment in Baramati. Police are investigating the case.
Web Summary : फलटण में, 18 वर्षीय एक परेशान युवती ने माता-पिता के लगातार झगड़ों और पिता की शराब की लत के कारण आत्महत्या कर ली। वह फांसी पर लटकी हुई पाई गई और बारामती में इलाज के दौरान उसकी मौत हो गई। पुलिस मामले की जांच कर रही है।