Sangli Marathi News | सांगली मराठी बातम्या | Latest Sangli News in Marathi | सांगली ताज्या बातम्या | Sangli Crime Marathi News | सांगली ब्रेकिंग न्यूज़| Breaking & Live Sangli News | Sangli Local News Update| Today's Sangli News paper

स्वर्गीय विलासराव शिंदे साहेब यांनी राजकीय, सामाजिक, शैक्षणिक, सांस्कृतिक दृष्टीने गावाचा चेहरामोहरा बदलला. ग्रामीण जीवनमान असणाऱ्या आष्टा गावाला शहरीकरणाचे रूप देण्याचे काम स्व. शिंदे साहेबांनी केले. अगदी शेवटच्या श्वासापर्यंत शिंदे साहेबांनी कार्यकर्ता जपला. अशा या संस्कारशील, संवेदनशील घरात मनमिळाऊ आणि दूरदृष्टीचे आशावादी व्यक्तिमत्त्व, वारसा असणारे वैभवदादा विलासराव शिंदे यांचा जन्म १८ एप्रिल १९७१ रोजी झाला.शिंदे घराण्याचा वारसा आणि कै. काकासाहेब शिंदे यांच्याप्रमाणे जनसामान्यांपर्यंत पोहोचणारे आणि स्वर्गीय विलासराव शिंदे यांच्या विचाराचा व राजकीय, सामाजिक, कौटुंबिक जाणिवांचा ठेवा जपणारे नवतरुणांचे आशावादी नेतृत्व म्हणून वैभव (दादा) शिंदे परिचित आहेत. युवकांचे आशास्थान, सर्वसामान्यांमध्ये नवीन उमेद निर्माण करणारे वैभव (दादा) शिंदे आज आष्टावासीयांसाठी दीपस्तंभ म्हणून कार्यरत आहेत.स्वर्गीय विलासराव शिंदे यांच्यानंतर आष्टा शहराला कोणतीही उणीव भासू न देता रात्रंदिवस कानाकोपऱ्यापर्यंत पोहोचून सर्वांना आधार देऊन स्व. शिंदे साहेबांची उणीव भासू देत नाहीत. जनतेच्या समस्या सोडवण्याचे कसब शिंदे साहेबांच्या पावलावर पाऊल ठेवून वैभव दादांनी आत्मसात केले आहे. गरीब असो की श्रीमंत यांच्यात भेदभाव न करता किंवा कोणत्या राजकीय पक्षाचा आहे याचा विचार न करता पारदर्शकपणे काम करताना ते वेळेचे भान ठेवत नाहीत. कामाचा उरक आणि आवश्यक ठिकाणी प्रत्यक्ष भेट घेऊन तात्काळ निर्णय घेऊन कामातील अडचणी दूर करत आहेत.वैभव दादांचा स्वभाव आणि त्यांची माणसातील संवेदना जाणून घेण्याच्या वैशिष्ट्यामुळे जवळ येणारा माणूस आनंदी मनाने परतत असताना पाहायला मिळतो.सन्मान देणे आणि सन्मान करणे हे वडीलकीचे संस्कार दादांनी जपले आहेत. त्यामुळे छोटा आहे की मोठा, हे न पाहता सर्वांच्या कार्यकर्तृत्वाचा नेहमीच सन्मान करतात. त्यामुळे येणाऱ्या कार्यकर्त्याला अथवा जनसामान्यांना कौतुक वाटत आहे.वैभव दादांना लाभलेले बाळकडू त्यामुळे शिक्षण, सामाजिक, राजकीय, सांस्कृतिक क्षेत्रात स्वतःहून सक्रिय होऊन ते त्यातील एक होऊन जातात. उपक्रमातील अथवा कार्यक्रमातील एक होऊन ते कार्यरत असतात. कार्यकर्त्याला वेगळा न समजता तो आपल्या बरोबरचा आहे, अशी वागणूक देऊन विश्वासार्हता निर्माण करतात.वैभवदादा हे कार्यकर्त्यांचे आनंदाचे सार आहे. स्व. विलासराव शिंदे साहेबांचे व्यक्तिमत्त्व कुठेही असले तरी त्यांचे वेगळेपण वाखाणण्यासारखे होते. तसे वैभवदादांचे व्यक्तिमत्त्वही निश्चितच दिशा देणारे आहे. आष्टा शहरवासीय वैभवदादांकडे स्व. विलासराव शिंदे साहेब यांचे प्रतिरूप पाहत आहेत.कोविड महामारीमध्ये स्वतः पुढे होऊन आष्टा शहर व परिसरातील सर्व गावातून त्यांनी लोकांना धीर दिला. सुरक्षित कसे राहता येईल याच्या उपाययोजनांबाबत उद्बोधन करून मास्क, होमिओपॅथिक औषध देऊन लोकांना सजग केले आहे. स्वतः कोरोना पॉझिटिव्ह झाले असताना ते त्यातून सुखरूप बाहेर येऊन पुन्हा जनतेच्या सेवेसाठी न घाबरता तयार झाले. पुन्हा जनजागृती करून अनुभवातून लोकांना जगण्यासाठी प्रेरित केले. असा हा कोविड योद्धा म्हणजे वैभवदादा शिंदे!वैभवदादांनी स्वर्गीय विलासराव शिंदे साहेबांच्या मार्गदर्शनाखाली १९९३ पासून राजकीय, सामाजिक कामाला सुरुवात केली. प्रथमत: सांगली जिल्हा युवक काँग्रेसचे अध्यक्षपद भूषवत युवकांमध्ये राजकीय, सामाजिक, सांस्कृतिक कार्याची गोडी निर्माण केली. संघटन कौशल्य विकसित केले. त्यानंतर महाराष्ट्र प्रदेश युवक काँग्रेसचे सरचिटणीसपद स्वीकारून काम केले. २००२ मध्ये पंचायत समिती निवडणूक लढवून सदस्य म्हणून काम केले. २००७ ते २०१२ पर्यंत पंचायत समितीमध्ये उपसभापती म्हणून कार्य केले. या काळात त्यांनी तालुक्यात शैक्षणिकदृष्टीने बदल घडवून आणून युवकांना, नवतरुणांना प्रेरणा देण्याचे काम केले. अनेक उपक्रम हाती घेऊन, शिबिरे घेऊन सर्वसामान्य लोकांना त्याचा उपयोग करून दिला. यामध्ये रक्तदान शिबिर, आरोग्य शिबिर, जनावरांची तपासणी शिबिरे, वृक्षारोपण उपक्रम, रोप वाटप उपक्रम, आर.टी.ओ. कॅम्प यांचा समावेश होता. स्वर्गीय विलासराव शिंदे यांच्या स्वप्नातील आष्टा तहसील कार्यालयायासाठी २०१७ मध्ये भाजपमध्ये प्रवेश केल्यानंतर तीस वर्षांनंतर आष्टा शहराला व जवळच्या ग्रामीण गावासाठी अप्पर तहसील कार्यालयाची मंजुरी मिळवली. १० जुलै २०१८ रोजी तहसील कार्यालय सुरू केले. आष्टा तहसील कार्यालयाचे कार्यालय उभारणीचे शिल्पकार वैभव (दादा) शिंदे आहेत.स्वर्गीय विलासराव शिंदे साहेबांच्या नंतर राजाराम शिक्षण संस्थेचे अध्यक्ष म्हणून ते कार्यरत आहेत. अतिशय जाणीवपूर्वक आणि संवेदनशीलपणे आशावादी दृष्टीने शैक्षणिक काम करत आहेत. वाळवा तालुक्यातील आष्टा शहरवासीयांची स्वप्नपूर्ती करणारे युवकांचे गतिमान, विकासाभिमुख व्यक्तिमत्त्व असणाऱ्या वैभवदादा शिंदे यांचा आज वाढदिवस. त्यांच्या वाढदिवसानिमित्त व पुढील वाटचालीस वैभवशाली हार्दिक शुभेच्छा!- डॉ. एल. बी. कुरणे (सर), बहादूरवाडी, आष्टा

Sangli (Marathi News)