पुणे : मिनरल वॉटर विक्री व्यवसायात गुंतवणूक केल्यास चांगला नफा मिळेल, असे आमिष दाखवून दोघांनी एका पेट्रोल पंप व्यावसायिकाची दोन कोटी ३४ लाख रुपयांची फसवणूक केल्याचा प्रकार उघडकीस आला. या प्रकरणी लोणी काळभोर पोलिसांकडून तीन जणांविरोधात गुन्हा दाखल करण्यात आला आहे. याबाबत एका व्यावसायिकाने लोणी काळभोर पोलिस ठाण्यात फिर्याद दिली आहे.
पोलिसांनी दिलेल्या माहितीनुसार, तक्रारदार व्यावसायिक हे हडपसर परिसरातील हांडेवाडी भागात राहायला आहेत. आरोपी हे हडपसर भागात राहायला आहेत. आरोपींचे कपड्यांचे दुकान आहे. आरोपी आणि पेट्रोल पंप व्यावसायिक हे ओळखीचे आहेत. आरोपींनी त्यांना मिनरल वॉटर विक्री व्यवसायात गुंतवणुकीचे आमिष दाखवले. या व्यवसायात गुंतवणूक केल्यास चांगला नफा मिळेल, अशी बतावणी केली.
त्यानुसार १७ फेब्रुवारी २०२५ रोजी त्यांच्यात भागीदारी करार झाला. व्यवसायात गुंतवणुकीच्या आमिषाने त्यांच्याकडून एक कोटी ७८ लाख रुपये ७५ हजार रुपये घेण्यात आले. जून ते ऑक्टोबर २०२५ या कालावधीत पाण्याच्या बाटल्या विकून मिळालेले ५५ लाख ४८ हजार रुपये आरोपींनी स्वत:च्या बँक खात्यात जमा करून घेतले. फसवणूक झाल्याचे लक्षात आल्यानंतर पेट्रोल पंप व्यावसायिकाने नुकतीच पोलिसांकडे तक्रार दिली. लोणी काळभोर पोलिसांकडून गुन्हा दाखल करण्यात आला असून, सहायक पोलिस निरीक्षक बाबर पुढील तपास करत आहेत.
Web Summary : Promising mineral water profit, two individuals defrauded a petrol pump owner of ₹2.34 crore in Pune. Police have registered a case against three accused involved in the fraudulent scheme. The investigation is ongoing.
Web Summary : मिनरल वॉटर के मुनाफे का वादा करके, पुणे में दो व्यक्तियों ने एक पेट्रोल पंप मालिक को ₹2.34 करोड़ का धोखा दिया। पुलिस ने धोखाधड़ी योजना में शामिल तीन आरोपियों के खिलाफ मामला दर्ज किया है। जांच चल रही है।