Hormuz Strait Crisis : तेलाची किंमत ११० डॉलरच्या पार, जगभरात घबराट! इराणने सहमती दर्शवली नाही, तर नाटो होर्मुझमध्ये प्रवेश करणार

Hormuz Strait Crisis : होर्मुझ स्ट्रेट उघडण्यासाठी इराण तयार नाही. अमेरिकेनेही नाकाबंदी सुरूच ठेवली आहे, जगभरातील अनेक देशात इंधन तुटवडा सुरूच आहे. यामुळे आता नाटोची एन्ट्री होर्मुझमध्ये होऊ शकते.

Hormuz Strait Crisis : इराण आणि अमेरिकेतील युद्धामुळे जागतिक तेल पुरवठा कोलमडला असताना आता मोठी बातमी समोर येत आहे. आंतरराष्ट्रीय सागरी मार्गावरील इराणची नाकेबंदी मोडून काढण्यासाठी 'नाटो' होर्मुझच्या सामुद्रधुनीत लष्करी हस्तक्षेप करण्याची शक्यता आहे. ब्लूमबर्गच्या अहवालानुसार, जुलै महिन्यापर्यंत जर इराणने हा मार्ग खुला केला नाही, तर नाटोचे युद्धनौका दल या भागात तैनात केले जाऊ शकते.

होर्मुझच्या सामुद्रधुनीतून जगाच्या एकूण गरजेपैकी सुमारे २०% तेल आणि वायूची वाहतूक होते. इराणने हा मार्ग रोखल्यामुळे आणि अमेरिकेने केलेल्या नौदल नाकेबंदीमुळे आंतरराष्ट्रीय बाजारात कच्च्या तेलाच्या किमतीत युद्धपूर्व पातळीपेक्षा ५०% पेक्षा जास्त वाढ झाली आहे. सध्या कच्चे तेल प्रति बॅरल ११० डॉलरच्या पार गेल्याने जगभरात महागाईचा हाहाकार उडाला आहे.

मृत्यू कलिंगडामुळे नाही तर...; ४ जणांच्या मृत्यू प्रकरणात पोलिसांच्या हाती लागला खळबळजनक माहिती

यापूर्वी अमेरिकेचे राष्ट्राध्यक्ष डोनाल्ड ट्रम्प यांनी केलेल्या लष्करी सहभागाच्या आवाहनाला युरोपीय देशांनी नाकारले होते. मात्र, आता वाढत्या आर्थिक नुकसानीमुळे नाटोच्या भूमिकेत अचानक मोठा बदल झाला असून, अंकारा येथील आगामी बैठकीत यावर अंतिम शिक्कामोर्तब होण्याची शक्यता आहे.

नाटोचा भूमिकेत बदल

एप्रिलमध्ये ट्रम्प यांचा प्रस्ताव नाकारणाऱ्या नाटो सदस्य राष्ट्रांनी आता इराणविरोधात एकत्र येण्याची तयारी सुरू केली आहे. इराणला जुलैच्या सुरुवातीपर्यंतची मुदत दिली जाण्याची शक्यता आहे. अन्यथा व्यापारी जहाजांच्या संरक्षणासाठी नाटो थेट बळाचा वापर करू शकते. तेलाच्या टंचाईमुळे जागतिक विकासाचा वेग मंदावला असून, जगभरातील शेअर बाजार आणि अन्नधान्य पुरवठ्यावर याचा थेट नकारात्मक परिणाम होत आहे.

होर्मुझच्या सामुद्रधुनीतील नाकेबंदीमुळे तेलाच्या किमतीत वाढ

होर्मुझच्या सामुद्रधुनीतून होणाऱ्या जलवाहतुकीत व्यत्यय आल्यामुळे कच्च्या तेलाच्या किमती वाढतच आहेत. सध्या, आंतरराष्ट्रीय बाजारात कच्च्या तेलाची किंमत प्रति बॅरल ११० डॉलरपेक्षा जास्त झाली आहे. वाढत्या महागाईच्या धोक्यामुळे जगभरात घबराट पसरली आहे. 

अमेरिका आणि इराण यांच्यातील युद्धामुळे निर्माण झालेल्या या जागतिक तणावाचा नकारात्मक परिणाम यावरून लक्षात येतो की, कच्च्या तेलाची किंमत युद्धपूर्व पातळीपेक्षा जवळपास ५०% नी वाढली आहे, यामुळे फक्त महागाईचा धोकाच नाही, तर जागतिक विकासाचा वेग मंदावण्याची चिंताही वाढली आहे.