Pune Marathi News | पुणे मराठी बातम्या | Latest Pune News in Marathi | पुणे समाचार | Pune Crime Marathi News| Breaking & Live Pune News Headlines | Today's Pune News Paper

मुंबई - अभिनेता सोनू सूदने गेल्या काही महिन्यांपासून हजारो प्रवाशांना घरी पोहोचवून त्यांची मदत केली आहे. लॉकडाऊन काळात मुंबईतून परराज्यात आपल्या गावी जाणाऱ्यांसाठी सोनू सूद हा सुपरहिरोच ठरला. या लोकांना मदत करण्याचं त्याचं काम अजूनही सुरूच आहे. त्यातच, आता प्रवाशी मजूरांना त्यांच्या गावात रोजगारही सोनूच मिळवून देणार आहे. प्रवासी मजूरांच्या मदतीपासून सुरू झालेलं त्याचं काम दिवसेंदिवस वाढतच आहे. सोनूने आपल्या ट्विटर अकाऊंटवरुन एक व्हिडिओ शेअर करत, वृद्ध आजीबाईंना ऑफरच देऊ केली होती. महिलांना स्व-संरक्षणाची ट्रेनिंग देण्याचा विचार सोनूने केला होता. आता, लवकरच सोनून दिलेला हा शब्द सत्यात उतरत आहे. सोनूने काही दिवसांपूर्वी ट्विटर अकाऊंटवरुन एक व्हिडिओ शेअर केला होता. त्यामध्ये एक वयोवृद्ध आजीबाई पोटाची खळगी भरण्यासाठी भररस्त्यात दोन हातांनी काठ्या फिरवून कसरत करताना दिसत होत्या. या आजीबाईचा व्हिडिओ पाहून सोनूला चांगली आयडिया सूचली. आजीबाईंना घेऊन मी महिलांसाठी, मुलींसाठी स्व-संरक्षणाचे ट्रेनिंग देणारे स्कुल सुरू करु इच्छित आहे. कुणी मला या आजीबाई व त्यांच्या संपर्काबद्दल माहिती देता का, असे सोनूने म्हटले आहे. सोशल मीडियावर या वॉरीयर आजीचा व्हिडिओ मोठ्या प्रमाणात व्हायरल झाला होता. त्यानंतर, जगभरातून आजींना मदत मिळाली. विशेष म्हणजे, राज्याचे गृहमंत्री अनिल देशमुख यांनीही आजीची भेट घेऊन साडी चोळीचा अहेर करत 1 लाख रुपयांची मदत केली होती. Video: क्या बात है... पोट भरण्यासाठी रस्त्यावर काठी फिरवणाऱ्या आजीबाईंना सोनूकडून ऑफररविवारी निर्मिती परिवारातील सदस्यांनी #Warrior_aaji यांची भेट घेतली. शब्द दिल्याप्रमाणे त्यांचे क्लास सुरू करण्याचे स्वप्न "निर्मिती फाऊंडेशन" येणाऱ्या बावीस ऑगस्टला सत्यात उतरवत आहे. सोनू सूद यांची मोलाची मदत मिळाली असून लवकरच आजीचे हक्काचे व्यासपीठ त्यांना मिळणार आहे, अशी माहिती निर्मित्ती फाऊंडेशने आपल्या ट्विटर अकाऊंटवरुन दिली आहे. त्यामध्ये, सोनू सूदचा विशेष उल्लेख या युवकांनी केला आहे. समाजकार्यात स्वत:ला झोकून दिलेल्या सोनू सूदने आपल्या कामातून कोट्यवधी भारतीयांची मने जिंकत आहे. त्यात, आजीबाईंना दिलेल्या या ऑफरनंतर शब्द पाळल्यामुळे सोनू सूद आणखी मराठी जनांच्या मनात बसला आहे.

Pune (Marathi News)

स्वारगेट व पिंपरी चिंचवड कोकणसाठी सोडण्यात येणाऱ्या बस प्रवाशांअभावी कराव्या लागत आहेत रद्द ...

पाणलोट क्षेत्रात सुरू असलेल्या धुवाधार पावसामुळे सर्व खोऱ्यांतील धरण साठ्यात समाधानकारक वाढ ...

'एमपीएससी' परीक्षा २० सप्टेंबरला घेतली जाणार आहे... ...

उपमुख्यमंत्री अजित पवार यांनी पीएमपी बस सेवा सुरू करण्याबाबत तत्वतः मान्यता दिल्याची माहिती आहे. ...

राज्य व जिल्हा आरोग्य विभागाच्या अहवालामध्ये पुण्यातील अ‍ॅक्टिव्ह रुग्णांच्या संख्येत मोठी तफावत ...

छत्रपती शिवराय हे पूजनीय आदर्श: भगतसिंह कोश्यारी ...

आंदोलन चिघळण्याची शक्यता ...

सीटीसीमध्ये देण्यात येणारे अनेक भत्ते (allowance) कराखाली येण्याची शक्यता निर्माण झाली आहे. ...