पुण्यात महापालिकेच्या कचरा वाहतूक करणाऱ्या डंपरने ज्येष्ठ नागरिकाला चिरडले

पुण्यातील सरसबागेजवळ हा धक्कादायक अपघात घडला.

पुणे : पुणे महापालिकेच्या कचरा वाहतूक करणार्‍या डंपरने सारसबागेजवळ दुचाकीवर जात असलेल्या ज्येष्ठ नागरिकाला चिरडले. ही घटना सोमवारी दुपारी घडली आहे. या अपघातात मृत्युमुखी पडलेल्या व्यक्तीचे नाव हिरालाल मोतीलाल ललवाणी असे आहे. त्यांचे वय ८३ होते.

पोलिसांनी दिलेल्या माहितीनुसार, हिरालाल हे आपल्या वैयक्तिक कामानिमित्त दुचाकीवरून जात होते. मात्र, सारसबाग येथे पुणे महापालिकेच्या कचरा वाहतूक करणार्‍या डंपरच्या चाकाखाली ते सापडले.या अपघातामध्ये ललवाणी यांचा दुर्दैवीपणे जागीच मृत्यू झाला. डंपरच्या चालकाने या अपघातानंतर थेट पोलीस स्थानक गाठत घडलेल्या घटनेची माहिती दिली. स्वारगेट पोलीस या अपघाताचा अधिक तपास करत आहेत.