पुणे : मुख्य सभामंडपाच्या पुनर्बांधणीसह विविध सुरक्षा व सुविधा विकासकामे करण्यासाठी बंद असलेले श्री क्षेत्र भीमाशंकर ज्योतिर्लिंग मंदिर ३१ मे रोजी भाविकांच्या दर्शनासाठी खुले करण्यात येणार आहे. ही कामे पूर्णत्वाच्या टप्प्यात आहेत. त्यामुळे गेल्या साडेतीन महिन्यापासून बंद असलेल्या मंदिरात भाविकांना आता सुलभ दर्शन घेता येणार असल्याची माहिती जिल्हाधिकारी जितेंद्र डुडी यांनी दिली.
भीमाशंकर तीर्थक्षेत्र विकास आराखड्यानुसार मंदिर परिसरातील गर्दी व्यवस्थापन आणि भाविकांच्या सुरक्षिततेसाठी ही कामे हाती घेण्यात आली होती. सुरुवातीला ९ जानेवारीपासून तीन महिने बंद ठेवण्याचे नियोजन होते, मात्र कामांच्या प्रगतीनुसार ही मुदत ३१ मे पर्यंत वाढवण्यात आली. नाशिक येथे २०२७ मध्ये होणाऱ्या सिंहस्थ कुंभमेळ्याच्या पार्श्वभूमीवर भाविकांच्या वाढत्या संख्येला अनुरूप सुविधा उपलब्ध करून देणे हा मुख्य उद्देश होता. त्यानुसार जिल्हा नियोजन समितीच्या माध्यमातून २८८.१७ कोटी रुपयांचा निधीच्या खर्चाला मंजुरी देण्यात आली.
यामध्ये भव्य नवीन सभामंडप उभारणी, जुन्या सभामंडपाचे पूर्ण काढणे, पायरी मार्ग (स्टेप वेव्ह), प्रवेश-निर्गमन मार्गांची सुधारण, गर्दी नियंत्रण व्यवस्था, व्ह्यूइंग कॉरिडॉर, विश्रांती क्षेत्रे इत्यादींचा समावेश आहे. सभामंडपाचे काम पारंपरिक तंत्रज्ञान वापरून वेगाने पूर्ण करण्यात आले असून, सध्या ९० टक्के काम पूर्ण झाले असल्याचे जिल्हा प्रशासनाकडून सांगण्यात आले.
Web Summary : Bhimashankar Jyotirlinga temple reopens May 31st after renovations for improved pilgrim safety and facilities. The works included a new assembly hall. The district administration prioritized completing the work, aiming to enhance the pilgrim experience and manage crowds effectively before the 2027 Nashik Kumbh Mela.
Web Summary : भीमाशंकर ज्योतिर्लिंग मंदिर 31 मई को नवीनीकरण के बाद फिर से खुल रहा है, जिससे तीर्थयात्रियों की सुरक्षा और सुविधाओं में सुधार हुआ है। कार्यों में एक नया असेंबली हॉल शामिल है। जिला प्रशासन ने 2027 नासिक कुंभ मेले से पहले तीर्थयात्रियों के अनुभव को बढ़ाने और भीड़ को प्रभावी ढंग से प्रबंधित करने के उद्देश्य से काम पूरा करने को प्राथमिकता दी।