Latest Politics News | Politics Marathi News | Latest Politics News in Marathi | राजकारण: ताज्या मराठी बातम्या

नवी मुंबई: ऐरोली विधानसभा मतदारसंघात प्रचाराचा धूर निघत असतानाच आता 'नाईक विरुद्ध ठाकरे' असा नवा वाद समोर आला आहे. कोपरखैरणे येथील 'बालाजी हाऊसिंग सोसायटी'मध्ये प्रचारासाठी गेलेल्या उद्धव सेनेच्या उमेदवारांना वनमंत्री गणेश नाईक यांचे बंधू ज्ञानेश्वर नाईक यांनी अडवल्याचा आरोप करण्यात आला आहे. या घटनेमुळे नवी मुंबईतील राजकीय वातावरण चांगलेच तापले आहे.मिळालेल्या माहितीनुसार, गुरुवारी रात्री उद्धव सेनेचे उमेदवार राजेंद्र आव्हाड आणि कविता थोरात हे त्यांच्या कार्यकर्त्यांसह बालाजी हाऊसिंग सोसायटीत प्रचारासाठी गेले होते. ही सोसायटी गणेश नाईक यांचे निवासस्थान म्हणून ओळखली जाते. ऐरोली जिल्हाप्रमुख प्रवीण म्हात्रे यांनी असा आरोप केला आहे की, "आमचे उमेदवार प्रचारासाठी गेले असता, ज्ञानेश्वर नाईक यांनी त्यांना आत येण्यापासून रोखले आणि लोकशाही अधिकाराचा गळा घोटण्याचा प्रयत्न केला."निवडणूक आयोगाकडे धाव घेणारउद्धव सेनेने या प्रकाराचा तीव्र निषेध केला असून, याविरोधात पोलिसांत आणि निवडणूक आयोगाकडे रितसर तक्रार करणार असल्याचे प्रवीण म्हात्रे यांनी स्पष्ट केले आहे. "सोसायटीत प्रचार करणे हा उमेदवाराचा अधिकार आहे, तिथे कोणाचीही हुकूमशाही चालणार नाही," असा इशाराही त्यांनी दिला.भाजपचे प्रत्युत्तर: "हे तर राजकीय कारस्थान"दुसरीकडे, भारतीय जनता पक्षाने हे सर्व आरोप फेटाळून लावले आहेत. ज्ञानेश्वर नाईक यांनी कोणालाही अडवलेले नसून, उद्धव सेनेच्या उमेदवारांनीच विनाकारण हुज्जत घातल्याचा दावा भाजपने केला आहे. "निवडणुकीच्या तोंडावर नाईक कुटुंबाला बदनाम करण्यासाठी रचलेले हे एक राजकीय कारस्थान आहे," असे प्रत्युत्तर भाजपकडून देण्यात आले आहे.

Politics (Marathi News)

आमदार, खासदारांच्या वारसदारांना रिंगणात उतरवून सर्व पक्षांनी निवडणुकीत रंगत आणली आहे. ...

याचा थेट परिणाम राजकारण व निकालांवर होण्याची शक्यता तज्ज्ञांनी वर्तवली आहे. ...

तेथील प्रभागांमध्ये भाजप, ठाकरे बंधू व काँग्रेस यांच्यात प्रमुख लढती होत आहेत. ...

उद्धवसेना आणि मनसे युतीने केलेल्या आक्रमक मोर्चेबांधणीने या मतदारसंघात चुरस वाढली आहे. ...