'विजय' बनून इम्रानने तरुणीला जाळ्यात ओढले; बिहारला नेऊन निकाह, विवाहाच्या ७ वर्षानंतर गुन्हा दाखल

मुस्लीम तरुणाने खोटं बोलून एका तरुणीशी लग्न केल्याचा प्रकार उल्हासनगरमध्ये समोर आला आहे.

उल्हासनगर : शहरातील रेणुका सोसायटी मध्ये राहणाऱ्या विजय सोबत सोनाली बहे यांचे प्रेम संबंध जुळले. त्यानंतर २०१९ मध्ये सोनालीला बिहारला पळून नेऊन, मुस्लिम रितिरिवाजप्रमाणे लग्न केले. याप्रकाराने सोनालीला मानसिक धक्का बसला. त्यानंतर पतीसह घरच्याकडून मानसिक व शारीरिक छळाला कंटाळून मध्यवर्ती पोलीस ठाण्यात तरुणीने तक्रार दाखल केल्यावर पोलिसांनी गुन्हा दाखल केला. 

उल्हासनगर कॅम्प नं-३, येथील रेणुका सोसायटी मध्ये बिहार मधील इम्रान शौकिन शेख हा विजय नावाने राहत होता. विजय व सोनाली यांच्यात प्रेम संबंध जुळल्यानंतर विजय यांने सोनालीला बिहारला पळून नेऊन, मुस्लिम रितिरिवाजा प्रमाणे लग्न केले. विजय हा हिंदू नसून मुस्लिम असल्याचे उघड झाल्यावर सोनालीला धक्का बसला. मात्र ती काहीही करू शकली नाही. ऐक मुल झाल्यानंतर ती उल्हासनगराला पतीसह परत आली. त्यानंतर सोनालीचा खऱ्या अर्थाने छळ सुरू झाला. हिंदू देवदेविताना शिव्या देने, बुरखा घालण्यासाठी जबरदस्ती करणे, गोमांस खाण्यासाठी दबाव टाकणे सुरू केले. या दरम्यान सोनालीला तीन मुले झाली.

 इम्रान शेख हा मुस्लिम असताना विजय नाव धारण करून सोनमला बिहार मध्ये पळून नेऊन मुस्लिम रितिरिवाजानुसार लग्न केले. पतीसह सासू, सासरे, दीर व इतर नातेवाईकानी शारीरिक व मानसिक छळ सुरू असताना पतीने दुसऱ्या एका महिले सोबत लग्न केल्याचेही उघड झाले. या छळाला कंटाळून सोनम हिंने अखेर मध्यवर्ती पोलीस ठाण्यात तक्रार दाखल केल्यावर, पोलिसांनी पती इम्रान शौकिन शेख, सलमान शौकिन शेख, ऐक अल्पवयीन मुलगा, शौकिन शेख, राबिया शौकिन शेख, रिझवान शौकिन शेख, अरबाज शौकिन शेख आदिवर गुन्हा दाखल केला आहे. वरिष्ठ पोलीस निरीक्षक शंकर अवताळे यांनी याप्रकरणी पती व दोन दिरांना अटक केल्याची माहिती देऊन इतरांची चौकशी सुरू असल्याची माहिती दिली आहे.