Hyderabad Case: महिलांनी पोलिसांना बांधल्या राख्या, हैदराबादेत फटाके, मिठाई अन् जल्लोष

Hyderabad Case : हैदराबाद पोलिसांनी केलेल्या एन्काऊंटर कारवाईनंतर हैदराबादमध्ये महिला वर्गाकडून पोलिसांचे आभार मानले जात आहेत.

हैदराबाद - 'दिशा' रेड्डी बलात्कार आणि हत्या प्रकरणातील चारही आरोपींचा पोलिसांनी एन्काऊंटर करुन खात्मा केल्याची घटना सकाळी घडली. याबाबत अनेक स्तरातून वेगवेगळ्या प्रतिक्रिया उमटत आहेत. त्यामध्ये घडलेल्या घटनेची सखोल चौकशी व्हावी अशी मागणी वंचित बहुनज आघाडीचे नेते प्रकाश आंबेडकर आणि शिवसेना नेत्या डॉ. नीलम गोऱ्हे यांनी केली आहे. तर, विशेष सरकारी वकिल उज्ज्वल निकम यांनीही या एन्काऊंटरबाबात संशय व्यक्त केला आहे. मात्र, नेटीझन्सकडून मोठ्या प्रमाणात हैदराबाद पोलिसांचं कौतुक केलं जातंय. जनभावना पोलिसांच्या पाठिशी असल्याचं दिसून येतंय.

हैदराबाद पोलिसांनी केलेल्या एन्काऊंटर कारवाईनंतर हैदराबादमध्ये महिला वर्गाकडून पोलिसांचे आभार मानले जात आहेत. पोलिसांनी जे केलं ते योग्यच, अशा भावना सोशल मीडियावरुन व्यक्त होत आहेत. तर, हैदराबाद पोलिसांना राखी बांधून, खांद्यावर उचलून आणि फटाके वाजवून हैदराबादमधील नागरिकांकडून समर्थन मिळत आहे. दिशा रेड्डीच्या पीडित कुटुंबीयांच्या घराशेजारी राहणाऱ्या महिलांनी हैदराबाद पोलिसांचं चक्क राखी बांधून अभिनंदन आणि आभार मानलयं. तर, घटनास्थळावर गेलेल्या नागरिकांनी पोलिसांवर फुलांचा वर्षाव केलाय. तसेच, फटाके वाजवून आणि मिठाई वाटून आनंद साजरा केलाय. 

#WATCH Hyderabad: People celebrate and cheer for police at the encounter site where the four accused were killed in an encounter earlier today. #Telanganapic.twitter.com/WZjPi0Y3nw

— ANI (@ANI) December 6, 2019

सोशल मीडियावरुनही मोठ्या प्रमाणात हैदराबाद पोलिसांचं कौतुक होत आहेत. पोलिसांच्या कार्याला सलाम देणारे मेसेज, मिम्स आणि व्हिडीओ सोशल मीडियावर व्हायरल होत आहेत.

CV Sajjanar is the Man who led the Encounter of Rapists in the Hyderabad rape case.

In 2008 he led a team that killed three who'd thrown acid at two girls.

He was hailed by thousands then & he's been hailed now.
A bold man who gives the kind of justice required.#Encounterpic.twitter.com/4CT7ZKtLsh

— Hari Shankar Meena (@HariSha86036472) December 6, 2019

ट्विटरवर #encounter #hyderabadsingham हे हॅशटॅग सोशल मीडियावर ट्रेंड करत आहेत. सोशल मीडियावर हैदराबाद पोलीस आणि सायबराबादचे पोलीस आयुक्त वी.सी. सज्जावर हे सिंघम बनले आहेत. काहींनी सोशल मीडियावर हैदरबाद पोलिसांचं कौतुक करताना, इतरांनी त्यांचा आदर्श घ्यावा अशा भावनाही व्यक्त होत आहेत.

Reel life turned into real ! #Encounterpic.twitter.com/LWwEt8WMQM

— Hitansh Jain (@hitanshjain) December 6, 2019

#WATCH Hyderabad: Neigbours of the woman veterinarian, celebrate and offer sweets to Police personnel after the four accused were killed in an encounter earlier today pic.twitter.com/MPuEtAJ1Jn

— ANI (@ANI) December 6, 2019