Nashik Marathi News | नाशिक मराठी बातम्या | Latest Nashik News in Marathi | नाशिक ताज्या बातम्या | Nashik Crime Marathi News | नाशिक ब्रेकिंग न्यूज़| Breaking & Live Nashik News | Today's Nashik News paper

Nashik Crime News: पोलीस चेक नाक्यावर एक कार थांबलीच नाही. कारचालक सुसाट पुढे निघून गेला. त्यामुळे पोलीस सतर्क झाले. त्यांनी कारचा पाठलाग करण्यास सुरूवात केली. पण, कारचालक आणखीनच वेगात निघाला. नाशिक शहरातील वेगवेगळ्या रस्त्यावर मध्यरात्री २ ते ३ वाजेच्या दरम्यान हा नाट्यमय पाठलाग सुरू होता. अखेर तासाभराने पोलिसांना त्याला पकडण्यात यश. पोलिसांनी गाडीत तपासली तेव्हा त्यात तब्बल २८ किलो गांजा सापडला. या सगळ्या फिल्मी स्टाईल पाठलागाचा पोलिसांनी व्हिडीओही शेअर केला आहे. ज्यात लाल रंगाची कार पुढे आहे आणि पोलिसांच्या गाड्यांना चकमा देत कारचालक सुसाट पुढे निघून जातो. पोलिसांनी दिलेल्या माहितीनुसार, लाल रंगाची कार (एमएच २) धुळ्यावरून नवी मुंबईला जात होती. अडगाव थांबा आणि चेक पॉईंटजवळ कारचालकाने तिथून पळण्याचा प्रयत्न केला. त्यानंतर पोलिसांनी त्याला पकडले. पोलिसांनी सांगितले की, चेकपाईंटला न थांबता कारचालक निघून गेल्याने बेकायदेशीर शस्त्रे, अंमली पदार्थ, स्फोटके किंवा अशाच प्रकारच्या प्रतिबंधित वस्तूंच्या संशयावरून, कंट्रोल रूमला काही सेकंदांत सतर्क केले गेले.नाशिक शहर पोलिसांच्या ८ सीआर मोबाईल्सनी तातडीने कारवाई करत शहरभरात नाट्यमय पाठलाग सुरू केला. संशयित चालकाने पकड टाळण्यासाठी मुख्य रस्त्यांवरून वाहन चालवले, परंतु आमच्या पथकांनी कुशल रणनीती वापरून इतरांना कोणतीही इजा न होता त्याला यशस्वीपणे ताब्यात घेतले.पाठलागात सहभागी संपूर्ण पथकाचा नाशिक शहर पोलीस आयुक्तांनी सत्कार केला. तत्काळ पाठलाग सुरू करणाऱ्या सतर्क कर्मचाऱ्यांपैकी भाऊराव गांगुर्डे आणि बाळकृष्ण पवार यांचे विशेष कौतुक केले.असा केला पाठलागचेकपाईंटवरून फरार झाल्यानंतर पोलिसांनी त्याचा पाठलाग केला. नाशिक शहराकडे तो निघाला. द्वारका यू टर्न, अमरधाम यू टर्न, केके वाघ कॉलेज त्यानंतर चक्रधर स्वामी मंदिर असा हा पाठलाग सुरू होता. त्यानंतर त्याला पकडण्यात यश आले. कारमध्ये सापडला २८ किलो गांजाकार थांबवल्यानंतर पोलिसांनी कारमध्ये काय संशयास्पद वस्तू आहेत का, याचा धांडोळा घेण्यास सुरुवात केली. कारच्या ट्रंकमध्ये तब्बल २८ किलो गांजा सापडला. पोलिसांनी याबद्दलची माहिती सोशल मीडियावर शेअर केल्यानंतर या कामगिरीचं नागरिकांकडून कौतुक होत आहे.

Nashik (Marathi News)

सोशल मीडियावर ऑटो चालकाला बस चालक मदत करत असल्याचे दिसत आहे, या घटनेचा एक व्हिडीओ व्हायरल झाला आहे. ...

राष्ट्रवादीच्या नेतृत्वानेही भुजबळ यांच्याशी संवाद साधून नाराजी दूर करण्याचा फारसा प्रयत्न केला नाही. ...

नाशिक शहरासह जिल्ह्यात युवकांच्या गळा चिरण्याच्या घटना घडत आहेत. ...

नाशिकमधील अपघात इतका भीषण होता की, मृतदेह पाहणाऱ्यांना अक्षरशः भोवळ आली. ...

माणिकराव कोकाटे यांनी भुजबळांना थेट लक्ष्य केल्यामुळे पक्षात वादही निर्माण झाले होते. ...

नाशिकच्या द्वारका परिसरात लोखंडी सळ्यांनी भरलेल्या ट्रकला पिकअपची धडक ...

नाशिकमध्ये आयशर ट्रकला पाठीमागून जीपची धडक होऊन मोठा अपघात झाला. ...

मुख्यमंत्री लाडकी बहीण योजनेवरुन आमदार छगन भुजबळ यांनी प्रतिक्रिया दिली. ...