व्यावसायिक अभ्यासक्रमांच्या प्रवेशाला घरघर

राज्यातील व्यावसायिक अभ्यासक्रमांना प्रवेश घेणाऱ्या विद्यार्थ्यांच्या संख्येत घट निम्म्यापेक्षा अधिक जागा अद्याप रिक्त

ठळक मुद्देविद्यार्थ्यांची पारंपरिक अभ्यासक्रमास पसंतीनिम्म्यापेक्षा अधिक जागा अद्याप रिक्त

राहुल शिंदे - पुणे : राज्यातील व्यावसायिक अभ्यासक्रमांना प्रवेश घेणाऱ्या विद्यार्थ्यांच्या संख्येत घट झाली असल्याची माहिती समोर आली आहे. राज्यातील अभियांत्रिकीच्या ४८ टक्के, एमसीएच्या ४४ टक्के, हॉटेल मॅनेजमेंटच्या ४८ टक्के, आर्किटेक्चरच्या ४६ टक्के जागा चालू शैक्षणिक वर्षात रिक्त राहिल्या आहेत. प्रामुख्याने उद्योग क्षेत्रातील मंदी, क्षमता नसताना विद्यार्थ्यांनी घेतलेला प्रवेश आणि व्यावसायिक पदवी घेतल्यानंतर विद्यार्थ्यांना मिळणारे तुटपुंजे वेतन यामुळे ही परिस्थिती ओढवली आहे. त्यामुळे शिक्षण क्षेत्राशी निगडीत असणाऱ्या सर्व घटकांनी याबाबत चिंतन करण्याची आवश्यकता आहे.अभियांत्रिकी अभ्यासक्रम पूर्ण करणाºयासाठी लाखो रुपए खर्च करणाऱ्या विद्यार्थ्यांना १५ ते २५ हजार रुपयांची नोकरी मिळत आहे. तसेच क्षमता नसताना अभियांत्रिकी अभ्यासक्रमास प्रवेश घेणारे विद्यार्थीशिक्षण अर्ध्यावर सोडून घरती बसतात. त्यामुळे इतर विद्यार्थी व पालकांचा अभियांत्रिकी अभ्यासक्रमाकडे पाहण्याचा दृष्टीकोन बदलत चालला आहे. त्यातच गेल्या काही वर्षात आकेर्टेक्चर व फार्मसी अभ्यासक्रमाच्या जागा वाढल्यामुळे या जागा रिक्त राहत आहेत. या उलट बीएस्सी, बी.कॉम, बीबीए ,बीसीए अशा अभ्यासक्रमांना विद्यार्थ्यांनी मोठ्या संख्येने प्रवेश घेतल्याचे दिसून येत आहे. त्यामुळे व्यावसायिक अभ्यासक्रमांकडे पाठ फिरवून विद्यार्थी पारंपरिक अभ्यासक्रमांकडे वळत असल्याचे चित्र सध्या निर्माण झाले आहे.राज्यात अभियांत्रिकी, औषधनिर्माणशास्त्र, व्यवस्थापनशास्त्र, हॉटेल मॅनेजमेंट,आर्किटेक्चर, मास्टर इन कॅम्प्युटर अ?ॅप्लिकेशन आदी व्यावसायिक अभ्यासक्रमाच्या एकूण ३ लाख १८ हजार ६६० जागा आहेत. त्यातील १ लाख ८८ हजार ८१८ जागांवर विद्यार्थ्यांनी प्रवेश घेतला आहे. उर्वरित १ लाख २९ हजार ८४२ जागा रिक्त राहिल्या आहेत. त्यामुळे यंदा राज्यातील विविध व्यासायिक अभ्यासक्रमाच्या एकूण ४१ टक्के जागा रिक्त राहिल्या आहेत. महाराष्ट्रासह देशभरातील अनेक उद्योगांनी आर्थिक मंदीमुळे कामगार कपात केली आहे. त्यामुळे बेरोजगारीचा प्रश्न गंभीर होत चालला आहे. त्याचाही फटका व्यावसायिक अभ्यासक्रमाला बसत असल्याचे अभ्यासकांकडून सांगितले जात आहे.--व्यावसायिक अभ्यासक्रमांना प्रवेश घेतलेल्या विद्यार्थ्यांची आकडेवारी अभ्यासक्रमाचे नाव     शैक्षणिक संस्थांची संख्या     प्रवेश क्षमता     झालेले प्रवेश     रिक्त राहिलेल्या जागा अभियांत्रिकी                      ३४०                               १,२७,५३७              ६५,९२३           ६१,६१४ (४८)फार्मसी                            २९२                                 २२,५००                १८,५५३            ३,९४७ (१८)एमसीए                             ९१                                    ६,३८८                 ३,५५८             २,८३० (४४)हॉटेल मॅनेजमेंट                ११                                      ७८६                      ४०६              ३८० (४८)आर्किटेक्चर                      ८७                                     ५,५३७                   २९८९             २,५४८ (४६)एमबीए                             ३१७                                    ३३,९१५                २९,६५६         ४,२५९ (१३)इंजिनिअरिंग डिप्लोमा    ४७३                                  १,५९,८०४                ७०,४०५          ८९,३९९ (५५.९४)फार्मसी डिप्लोमा             २३७                                   १४,९८३                 १०,२४४        ४,७३९ (३१.६३)